#OnaTilim #VideoChellenj #21Oktyabr

“O‘ZBEK TILIM — FAXRIM, G‘URURIM!”

🇺🇿 21-oktabr — o‘zbek tiliga davlat tili maqomi berilgan kun! Ushbu sana munosabati bilan Muhammad al-Xorazmiy nomidagi ixtisoslashtirilgan maktabda “O‘zbek tilim — faxrim, g‘ururim!” mavzusida ijodiy video chellenj e’lon qilinadi. Chellenjdan maqsad ona tilimizga bo‘lgan hurmat va muhabbatni yanada mustahkamlash, uning boyligi, go‘zalligi va betakrorligini ijodiy ishlar orqali namoyon etishdir.

🎬 Chellenjda 5–11-sinf o‘quvchilari hamda barcha uslubiy birlashma o‘qituvchilari ishtirok etishlari mumkin. Videolarda o‘zbek tiliga bo‘lgan hurmat, muhabbat va faxr tuyg‘ulari aks etishi, ijodiy va mazmunli yondashuvdan foydalanilishi, tilimizning go‘zalligi, boyligi hamda nufuzini targ‘ib qilishga alohida e’tibor qaratilishi lozim. Video davomiyligi 3–5 daqiqadan oshmasligi kerak.

Tayyor videolarni 21-oktabrga qadar quyidagi havola orqali yuborishingiz mumkin: havola👈🖥

❗️Ona tilimizga bo‘lgan mehringizni ijodingiz orqali namoyon eting. Barcha o‘quvchilar va o‘qituvchilarni chellenjda faol ishtirok etishga, o‘zbek tilining jozibasi va qudratini aks ettiruvchi ijodiy videolar tayyorlashga chorlaymiz!
_
🌐Telegram 🌐Facebook 🌐Instagram 🌐Web 🌐Youtube 🌐Linkedin