TGViewer
Channel Public Channel
ИБРАТЛИ ДУНЁ

ИБРАТЛИ ДУНЁ

@ibratli

📚 Сиз телеграмнинг
энг ибратли каналидасиз

Бизда кун давомида:👇

📚 Ибратли ҳикоя ва ривоятлар
📚 Ибратли хикмат ва иқтибослар
📚 Ибратли аудио ва видеолар

Биз ибрат улашамиз


Админ: @Muldashova
743086
Open in Telegram
Subscribers
114K
Photos
8.4K
Videos
15.7K
Links
37.6K

Showing posts older than #80526 · Back to latest

Older Posts 20 shown
Post #80525 19.6K
​​САВОЛ - ЖАВОБЛАР

“Оғриқнинг давоси нима?” деб сўрашди. “Давоси – сабр” дедим.

“Ҳасаднинг давоси нима?” деб сўрашди. “Давоси – ўзини билмаганга олиш” дедим.

“Фақирликнинг давоси нима?” деб сўрашди. “Давоси – қаноат” дедим.

“Аҳмоқликнинг давоси нима?” деб сўрашди. “Давоси – сукут сақлаш” дедим.

“Душманликнинг давоси нима?” деб сўрашди. “Давоси – эҳсон, яхшилик қилиш” дедим.

“Ёқтирмасликнинг давоси нима?” деб сўрашди. “Давоси – муҳаббат” дедим.

“Оғриқ ва изтиробларнинг давоси нима?” деб сўрашди. “Давоси – табассум” дедим.

“Мусибатнинг давоси нима?” деб сўрашди. “Давоси – истиғфор айтиш” дедим.

“Нафснинг гуноҳ бўлган истакларининг давоси нима?” деб сўрашди. “Давоси – уни ўша истаклардан маҳрум этиш” дедим.

“Чарчоқнинг давоси нима?” деб сўрашди. “Давоси – уйқу” дедим.

“Юқоридаги саволлардаги ҳолатларнинг умумий давоси нима?” деб сўрашди. “Давоси – “Эй Роббим!” дея дуога қўл очмоқдир” дедим.


•┈┈┈┈•❈••✾••❈•┈┈┈┈•
Яқинларингизга юборинг!
https://telegram.me/joinchat/EBkeNT8wOXpAsSelKCAtIA
  • 👍 35
  • 👏 1
  • 😢 1
Post #80524 18.1K
​​🌦 Агар бировнинг ташвиши сени ҳам ташвишга солса;
- билки,  ҳали табиатинг тоза экан.

🌦 Агар ўзингдан бошқаларда ҳам гўзалликни кўра олсанг;
- билки, ички дунёинг гўзал экан.

🌦 Агар биродарлик ришталарини муҳофаза қила олсанг;
- билки, сенга нурли йўлларда доим ҳамроҳ  топилади.

🌦 Агар ўзингдан бошқаларга ҳам  яхшиликни холис қила олсанг;
- билки, сен вафога жуда яқинсан!


•┈┈┈┈•❈••✾••❈•┈┈┈┈•
Яқинларга  улашинг!👇
https://telegram.me/joinchat/EBkeNT8wOXpAsSelKCAtIA
  • 👍 41
  • 👏 9
Post #80522 22K
ШУКР  ҚИЛ !

🍁 Шукр қилганинг сари шукр қилишинг керак бўлган нарсалар кўпаяверади.

🍁 Бирор ёқимсиз сўзни айтишдан олдин умуман гапира олмайдиганларни ёдингга ол...

🍁 Таомдан шикоят қилишдан олдин, ейишга бир тишлам нони йўқларни эсга ол....

🍁 Ўз турмуш ўртоғингни бировга ёмонлашдан олдин Аллоҳга ўзининг ёлғизлигини айтаётганларни кўз олдингга келтир...

🍁 Ҳаётингдан шикоят қилишдан олдин, умри айни гуллаган ёшида тугаганларни эслагин...

🍁 Фарзандларингдан шикоят қилишдаги олдин, тирноққа зор бўлган минглаб одамлар борлигини билгин...

🍁 Уйни тозалаш, ким пол ювиши ҳақида жанжал кўтаришдан олдин, миллионлаб уйсиз одамлар ҳам борлигини билиб қўйгин...

🍁 Ишинг оғирлигидан нолишдан олдин, қанчадан-қанча одамларга сенингдек иши бўлиши орзу эканлигини ҳам билиб қўй...

🍁 Дилингни ғам-алам қамраб олса, ҳали тирик эканлигинг учун Аллоҳга шукрона айт.

Ҳаёт – бу бебаҳо ҳадя.
Доимо шукр ва фикрда бўл!


•┈┈┈┈•❈••✾••❈•┈┈┈┈•
Биз билан бирга бўлинг
https://telegram.me/joinchat/EBkeNT8wOXpAsSelKCAtIA
  • 👍 51
  • 😢 11
  • 👎 1
Post #80519 14.9K
Хунук қизга уйланиб пушаймон бўл(ма)ган йигит.

Аввал иқтисодий аҳволи яхши эмас эди, лекин кейин ўзини тиклаб олди. Отаси тақводор инсон бўлиб, имомлик қиларди. Иқтисодий аҳволи яхшилангач, отасига:

— Отажон энди уйланишни истайман. Шунча йил ўтди, энди оила қуриш вақти келди, бўлажак аёлимни ўзингиз топишингизни истайман, деди. Ҳаттоки куттирмай, никоҳлашингизни истайман. Тўйим, борган кунимда бўлсин. Топган келинингизни кўришим ҳам шарт эмас...

Бу аслида отасига бўлган ишончнинг бир кўриниши эди. Албатта тақводор бир мўмин, пайғамбаримиз алайҳиссаломнинг:

“Аёл тўрт нарса учун никоҳланади: моли учун, насаби учун, чиройи учун ва дини учун. Бас, сен диндорини танла, қўлинг тупроққа қорилгур!”, деган ҳадисларига амал қилади. Отаси унга солиҳа, диндор бир қиз топди. Лекин қиз гўзал эмасди.

Йигит юртига қайтди. Уни  аэропортда кутиб олишиб, келинлик либосига ўранган аёлининг ёнига олиб боришди. Хуллас хонада икки ёш ёлғиз қолдилар. Қиз ёпинчиғини олар-олмас, йигитнинг кайфияти тушиб кетади.

Отамнинг менга топган келини шуми? Шунча йилдан кейин катта ҳаяжон билан юртга қайтдим ва... Кўнглига чироқ ёқса ёришмасди. Келинга эътибор бермай ётиб ухлади. Куёвнинг бу ҳаракатидан гап нимада эканини тушунган келин кечанинг охирги учдан бир қисмида эрини уйғотишга ҳаракат қилди. Лекин эри уйғонишни рад этди. Келин қайта ҳаракат қилди, яна рад жавобини олди. Кейин уни уйғотиш учун эрининг юзига сув сепди. Эри уйғонди ва келин аста тушунтира кетди:

— Хаёлингиздан нималар ўтаётганини сезиб турибман, гўзал эмаслигимни биламан. Лекин шуни билишингизни истардимки, оила қуришни фақат бир сабабдан истадим. Пайғамбаримиз алайҳиссаломнинг бир ҳадисларни амалда кўришни истадим. У зот шундай деганлар:

"Кечаси намоз ўқиган, аёлини ҳам намоз ўқишга уйғотган, агар бош тортса, юзига сув сепган кишига Аллоҳнинг раҳмати бўлсин. Кечаси туриб намоз ўқиган, эрини ҳам намоз ўқиш учун уйғотган, агар уйғонмаса, юзига сув сепган аёлга (ҳам) Аллоҳнинг раҳмати бўлсин!".
Валлоҳи, бу тилагимни амалга оширганингиз учун сиздан жуда миннатдорман. Бу ҳадисни бажаришни жуда истардим, лекин гўзал эмаслигимни билганим учун, турмушга чиқишдан умидимни узгандим. Илтимос, ҳадисни қолган қисмини мен билан адо этсангиз! Куёв уйғонди, намозни бирга ўқидилар.

Намоз тугагач куёв келинга қараркан ҳайратдан карахт бўлиб қолди. Ўзи бу ҳақида шундай дейди:

— Намозни тугатиб, аёлимга қарар эканман, олдинроқ кўрганим, хунуккина аёл шу эканига ишонмасдим. Қасам ичиб айтаманки, худди ёнимда дунёнинг энг гўзал аёли турарди.

•┈┈┈┈•❈••✾••❈•┈┈┈┈•
Якинларингизга узатинг
https://telegram.me/joinchat/EBkeNT8wOXpAsSelKCAtIA
  • 👍 63
  • 😢 18
Post #80516 17.8K
#ЎЙЛАРИМ

Баъзан қуёшнинг чиқишини ёки ботишини томоша қилиб  фикр қиламан... Ҳеч қачон чиқмасдан қолган ой ёки ботишни истамаган қуёшни ёки бағрини ерга босиб ётган тушкун чумолини, уйи бузилгани учун кимгадир шикоят қилаётган каптарни кўрмаганман.

Оддий майсаларга ҳам эътибор беринг. Устидан эзғилаб ўтиб кетсангиз ҳам, ўсишда, яшашда давом этаверади (сиз ундан узр сўрамасангиз ҳам).

Кўпқаватли уйларда яшаймиз. чордоқдаги каптарларнинг орасида бир оёғи йўқ каптар хам бор. Уям доим ризқини теришда бардавом, уни кимдир етаклаганини кўрмадим.

Асалари хам бир қошиққина асал тўплаш учун ҳеч қандай эвазсиз ишлайдиган Аллоҳнинг яратиғи, унинг асалини олаётганимизда, ёнимизга келиб: асалимга тегма, ахир бу менинг меҳнатимку, нега олдинг, деб биз билан уришмаган.

Биласизми, нега?!

Улар Аллоҳнинг буйруқларига мутлақ бўйсунувчилардир.

Улар бу дунёга нега келганларини унутмаганлар!

Буларда бизлар учун ибратлар бор...


•┈┈┈┈•❈••✾••❈•┈┈┈┈•
Биз билан бирга бўлинг!
https://telegram.me/joinchat/EBkeNT8wOXpAsSelKCAtIA
  • 👍 28
  • 😢 26
Post #80514 19K
Кунингизни “Бисмиллаҳ” билан бошланг!  Бугун чоршанба – муродбаҳш кун!  Чоршанба куни бошланган ҳар қандай иш хайрли бўлади, - дейишган уламоларимиз.

Яхши ният билан бошлаган ҳар ишларингизда Аллоҳ мададкор бўлсин!

ЯНГИ КУНГА БИСМИЛЛАҲ!


•┈┈┈┈•❈••✾••❈•┈┈┈┈•
Яқинларга  улашинг!
https://telegram.me/joinchat/EBkeNT8wOXpAsSelKCAtIA
  • 👍 31
Post #80513 26.1K
🌺 Сизларга энг гўзал тилакларни тилагим келди:


Тилайман мўминлик ибодатини,
Жаннати инсонлар хуш одатини.
Қуръондек ҳаловат, иймондек ҳузур,
Ҳам икки дунёнинг саодатини.

Тилайман Умардек мард феъли одил,
Ҳам Абу Бакрдек бир дўсти оқил.
Муҳаммад кўнглидек покиза кўнгил,
Ҳам икки дунёнинг саодатини.

Тилайман бахт қасрин учқур отларин
Бухорий тафаккур, хаёлотларин.
Ҳам солиҳ фарзандлар камолотларин
Ҳам икки дунёнинг саодатини.

Тилайман юрт узра тинчлик зиёсин,
Салмоннинг тақвосин, Усмон ҳаёсин
Аталган сенга деб она дуосин,
Ҳам икки дунёнинг саодатини.

Тилайман тоғларнинг маҳобатини,
Зулфиқор тутган мард салобатини.
Дилдаги пок ният ижобатини,
Ҳам икки дунёнинг саодатини.


•┈┈┈┈•❈••✾••❈•┈┈┈┈•
Биз билан бирга бўлинг
https://telegram.me/joinchat/EBkeNT8wOXpAsSelKCAtIA
  • 👍 33
  • 👏 3
Post #80512 44.1K
#Ассалому_алайкум

Гўзал дуои саломлари ила тонгларга файз бахш этган сиз Азизларга

МУРОДБАХШ  ЧОРШАНБА
  тонги муборак бўлсин!

Дуоларингиз ижобати дунё ва охиротингизни гўзалликларга тўлдирсин! Муродбахш куннинг файзу барокати ҳамроҳ бўлсин!


•┈┈┈┈•❈••✾••❈•┈┈┈┈•
Яқинларингизга улашинг!
https://telegram.me/joinchat/EBkeNT8wOXpAsSelKCAtIA
  • 👍 35
Post #80510 30.7K
АССАЛОМУ  АЛАЙКУМ!

Чоршанба тонги муборак бўлсин. Кунингиз файзу барокатли, дуоларингиз ижобатли бўлсин!


•┈┈┈┈•❈••✾••❈•┈┈┈┈•
Яқинларингизга улашинг!
https://telegram.me/joinchat/EBkeNT8wOXpAsSelKCAtIA
  • 👍 33
  • 👎 1
  • 👏 1
Post #80508 70K
Ассаламу алайкум ва роҳматуллоҳи ва барокатуҳ.

Омонмисиз,  Азизлар!
Муродбаҳш чоршанба тонги муборак бўлсин!

Қалбингиз Аллоҳнинг уйи!
Кўксингиз меҳрнинг чашмаси!
Кўзингиз гўзаллик шайдоси!
Қўлларингиз ҳайрнинг аскари!
Оёқларингиз яхшиликнинг чопари!

Турган-битганингиз Мусаввир зотнинг "санъат асари!"

Илм сизга тутилди, дунё сизга яралди; тунлар оромингиз учун, кунлар касби корингиз учун бино бўлди, Аллоҳ шундай яратибдими, демак ҳеч бири бежиз эмас!

Қалбингизни эгасига очинг...
Меҳр бисотингизни сочинг...
Кўзларингиз гўзаллик нурига,
Қўлларингиз дуонинг зўрига,
Оёқларингиз Покнинг ҳузурига
Сизни еткизмагунича толмасин!

Сизни йўқлаб келган бу тонг ҳайрли ишларга дебоча бўлсин!

•┈┈┈┈•❈••✾••❈•┈┈┈┈•
Биз билан бирга бўлинг!
https://telegram.me/joinchat/EBkeNT8wOXpAsSelKCAtIA
  • 👍 60
  • 👏 2
Post #80507 20.7K
ИЛТИМОСНОМА

Тафаккур соҳиби мана бу одам,
У асло синмайди, қанча эгмагин.
Бироқ банда у ҳам, инсондир у ҳам,
Ҳурматли ХУДБИНЖОН, унга тегмагин

Мана бу одамда қалб бордир гўзал,
Ҳислари ўхшайди ёйилган кунга.
Илтимос қиламан, раҳм айлагин сал,
Азизим ДИЛОЗОР, тегмагин унга.

Бунда-чи порлайди ёрқин истеъдод,
Ақлу ҳис бирлашиб унда бўлмиш жам.
Худо ҳаққи, уни қилмагил барбод,
Қадрли ҲАСАДГЎЙ, тегма унга ҳам.

Яхшиси, барчангиз марҳамат айлаб,
Келинг ҳузуримга, меҳмон қиламан.
Ахир аён менга сиздаги талаб,
Ҳар нечук, мен сизни кўпдан биламан.

Абдулла Орипов


•┈┈┈┈•❈••✾••❈•┈┈┈┈•
Яқинларга хам узатинг!
https://telegram.me/joinchat/EBkeNT8wOXpAsSelKCAtIA
  • 👍 34
  • 👏 4
Post #80506 22.7K
​​​​ЯХШИ  ОДАМГА  ОСОН  ЭМАС...

Бир киши кечда машинасини ўғирлатди. Эртаси куни уни ўз жойида ювилган, озода ҳолда топди. Эшикни очган эди машина салонида қуйидаги мактубга кўзи тушди:

“Минг бор узр, машинангизни олиб турдим. Чунки аёлимни тўлғоқ тутаётган эди. Уни машинангизда туғруқхонага олиб бордим. Алхамдулиллах, биз фарзандли бўлдик. Сиз ва ахлингизга хадия сифатида кинотеатр учун чипта ва баъзи ширинликлар, чақилган ёнғоқ ва писта қолдирдим. Уларни орқа ўриндиқдан топасиз. Мени маъзур тутасиз деган умиддаман“.

Киши табассум қилди ва кўзёшларини артиб:
“Аллохга ҳамд бўлсин. Биз ўйламаган томондан бизга ризқ ва ажр-савоб тақдим қилди“, деди. Шундан сўнг оиласи билан кинотеатрга йўл олди.

Уйга қайтгач уйини ўғри урган шип-шийдон холда топди. Унда бир мактуб хам қолдириб кетилган эди:
“Қалай, сизга кино ёқдими?“.

❗️Бугунги жамиятида кишилар билан муомала қилишда ўта огоҳ бўлинг!

Жасур Хасан
арабчадан таржима қилган

•┈┈┈┈•❈••✾••❈•┈┈┈┈•
Биз билан бирга бўлинг👇
https://telegram.me/joinchat/EBkeNT8wOXpAsSelKCAtIA
  • 👍 46
  • 😢 18
Post #80504 23.6K
ЯШАШ  ОСОН  ЭМАС...

​​Фараз қилинг, уч кишини зиндонга ташлашди. Уларга зиндондан қутилиш учун иккита имконият берилди. Шу имкониятни фақат икки киши олиши мумкин, учинчи инсон эса зиндонда қолиб кетади.
Хўш, сизнингча ким зиндонда қолиб кетади?
Албатта, улар ичидаги энг яхшиси, кўнгли бўши, қалби тозаси. Чунки у имкон талашиб бошқаларга озор беришни хоҳламайди, гарчи ўзи зиён кўрсада...
Мендан ҳаётда нега яхши инсонлар қийналади деб сўраманг! Энди сабабини биласиз! Ҳа, яхшилар ҳамиша ёмонларга ютказиб қўяди.
Виждонинг, кўнглинг, қалбинг тозами, демак сен кўпроқ қийналасан. Сени кўпроқ ҳафа қилишади. Сендан кўпроқ фойдаланишади. Сенга кўпроқ озор беришади. Бу ҳаётнинг оддий қонунларидан бири!...

Оқил Тўрақул

•┈┈┈┈•❈••✾••❈•┈┈┈┈•
Биз билан бирга бўлинг
https://telegram.me/joinchat/EBkeNT8wOXpAsSelKCAtIA
  • 👍 44
  • 😢 12
  • 👏 3
Post #80503 26K
ЎРГАНИШ КЕРАК...

Азоблар юракка тиғ жойлаганда,
Рақиблар тинмайин йўл пойлаганда,
Туҳматлар ортингдан мушт шайлаганда,
САМИМИЙ КУЛИШни ўрганиш керак

Ортингдан қувлашиб етса миш мишлар,
Томоғингдан ошиб кетса ташвишлар,
Оёғингни занжирбанд этса юмушлар,
ИНДАМАЙ ЮРИШни ўрганиш керак

Дўстларинг сотсалар оғир дамингда,
Бир суянч бўлмаса бирор камингда,
Оғирроқ хасталик бўлса танингда,
САБРЛА КЎНИШни ўрганиш керак

Давлатинг бўлмаса орзуга лойиқ,
Бирор юмушинга кулса ҳалойиқ,
Рўзғор уммонида бўлмаса қайиқ,
Наилож, СУЗИШни ўрганиш керак

Oқил бўлмаса гар умр йўлдошинг,
Фарзанд хатосига эгилса бошинг,
Беҳуда оқмасин кўзингда ёшинг,
ТАҚДИРГА КЎНИШни ўрганиш керак

Бахорни севсангу қиш кириб келса,
Шаббода ўрнида изғирин елса,
Булбуллар ўрнида қарғалар кулса,
ҚАДРИГА ЕТИШни ўрганиш керак

Ой кунинг саноғи охирга етса,
Руҳинг вужудингни тарк этиб кетса,
Сиротда Пайғамбар қўлингни тутса
ИНДАМАЙ ЎЛИШни ўрганиш керак


Каналимиз  манзили👇
https://telegram.me/joinchat/EBkeNT8wOXpAsSelKCAtIA
  • 👍 44
  • 😢 25
  • 👏 4
Post #80500 27K
ХОЗИРГИ КУН МАВЗУСИ

Борди келди йўқолди,
Айтайми сабабини...


•┈┈┈┈•❈••✾••❈•┈┈┈┈•
Биз билан бирга бўлинг
https://telegram.me/joinchat/EBkeNT8wOXpAsSelKCAtIA
  • 👍 38
  • 👎 1
Post #80499 20.2K
Бир аёл донишманддан сўради:
– Муҳаббат нима?

Донишманд жавоб берди:
– Ўтмишда у фидокорлик эди. Ҳозир эса шунчаки овунчоқ, холос.

– Дўстлар ҳақида нима дейсиз? - сўради аёл.

– Ўтмишда ҳар танглик келганида бир дўст топар эдик. Ҳозир эса ҳар бир тангликда бир дўст йўқотамиз, - деди донишманд.

Аёл яна сўради:
– Қариндошлар-чи?

Донишманд жавоб берди:
– Ўтмишда улар қўллаб–қувватлардилар, таянч бўлардилар. Ҳозир эса ҳасад қилишдан бошқа нарсани билмайдилар...


•┈┈┈┈•❈••✾••❈•┈┈┈┈•
Яқинларга ҳам улашинг!
https://telegram.me/joinchat/EBkeNT8wOXpAsSelKCAtIA
  • 👍 51
  • 😢 21
  • 👏 1
Older posts →
Threads Profile ViewerView any public Threads profile without an account.Open ThreadLook →Writing with AI? Make it sound human.Metric37 rewrites AI drafts so they read naturally. Free AI detector, 1,500 words free.Try Metric37 →