Mehnat muhofazasi vakillari uchun o‘quv mashg‘ulotlari tashkil etildi

“Hududgaz Poytaxt” GTF boshlang‘ich kasaba uyushmasi tomonidan mehnat muhofazasi vakillarining bilim va ko‘nikmalarini oshirish, ularning mehnat muhofazasi sohasidagi vakolatlarini samarali amalga oshirishini ta’minlash maqsadida o‘quv mashg‘ulotlari tashkil etildi.

O‘quv mashg‘ulotlari belgilangan tartibda “VALAKT” MChJ bilan tuzilgan shartnoma asosida o‘tkazilib, unda mehnat muhofazasi va texnika xavfsizligi talablari, ish joylarida xavfsiz mehnat sharoitlarini ta’minlash, ishlab chiqarishdagi baxtsiz hodisalarning oldini olish hamda xodimlarning mehnat huquqlarini himoya qilish bo‘yicha zarur bilim va ko‘nikmalar berildi.

Bugun o‘quv mashg‘ulotlarini muvaffaqiyatli yakunlagan ishtirokchilarga tegishli sertifikatlar topshirildi. Mazkur tadbir korxonada mehnat muhofazasi talablariga rioya etilishini yanada kuchaytirish va xavfsiz mehnat sharoitlarini ta’minlashga xizmat qiladi.

“Hududgaz Poytaxt” GTF
Matbuot xizmati