Yakkasaroy tumanida gaz tarmog‘idagi eskirgan zulfin yangisiga almashtirildi

Yakkasaroy tumani “Shohjahon” MFY, Shohjahon ko‘chasida gaz ta’minoti tizimining barqaror va xavfsiz ishlashini ta’minlash maqsadida gaz tarmog‘idagi ma’nan eskirgan zulfinni yangisiga almashtirish ishlari amalga oshirildi.

Mazkur ishlar “Hududgaz Poytaxt” GTF hamda Yakkasaroy tumani gaz ta’minoti bo‘limi ishchi-xodimlari tomonidan bajarildi.

Ta’mirlash ishlari yakunlanib, gaz tarmog‘ining ishonchli va xavfsiz ishlashi ta’minlandi. Natijada hududdagi tabiiy gaz iste’molchilariga gaz ta’minotini barqaror va xavfsiz yetkazib berish imkoniyati yanada yaxshilandi.

“Hududgaz Poytaxt” GTF Matbuot xizmati