Тими Тоҷикистон иштироки худро дар қаҳрамонии ҷаҳон оид ба ҷудо дар шаҳри Боку анҷом дод. Аз миёни панҷ намояндаи кишвар беҳтарин натиҷаро Эмомалӣ Нуралӣ дар вазни то 66 кило нишон дода, мақоми ҳафтумро соҳиб шуд.
Нуралӣ пас аз пирӯзиҳо бар ҳарифонаш аз Қазоқистон ва Литва ба даври чорякниҳоӣ роҳ ёфт, аммо аз Денис Виеруи Молдова шикаст хӯрд. Дар даври тасаллобахш низ аз намояндаи Муғулистон мағлуб шуд.
Муҳиддин Асадуллоев дар вазни то 73 кило то даври ҳаштякниҳоӣ расид. Лоиқ Қутбиддинов, Ҷаҳонгир Маҷидов ва Мадина Қурбонзода бошад, пас аз рақобати аввал аз идомаи мусобиқа бозмонданд.
Ёдовар мешавем, ки соли гузашта Тоҷикистон дар қаҳрамонии ҷаҳон дар Будапешт се нишон ба даст оварда буд.
📱 Обуна шавед — Ҳамдастӣ
📱Ба Тик Токи мо обуна шавед