Бонки ҷаҳонӣ барои ду тарҳ маблағгузории иловагӣ ҷудо кард

Вазири молияи Тоҷикистон Файзиддин Қаҳҳорзода ва намояндаи доимии Гуруҳи Бонки ҷаҳонӣ дар Тоҷикистон Гаэл Рабалланд созишномаҳои маблағгузории иловагиро барои ду тарҳи амалкунанда имзо карданд.

Барои тарҳи таҳкими устувории бахши кишоварзӣ $ 7,5 млн. ҷудо шуда, ин маблағ барои анҷоми сохтмони маркази агрологистикӣ дар Данғара ва муҷаҳҳазсозии маркази агрологистикӣ дар Душанбе равона мешавад.

Ҳамчунин барои тарҳи рушди барвақтии кӯдакон  € 30 млн. ва $ 4,5 млн. ҷудо гардида, маблағҳо барои густариши хизматрасониҳо, таъсиси 300 синфхонаи томактабӣ ва беҳтарсозии хизматрасониҳои тандурустӣ истифода хоҳанд шуд.

📱 Обуна шавед — Ҳамдастӣ
📱Ба Тик Токи мо обуна шавед