🇹🇯🎓🇺🇸 Донишмандони тоҷик метавонанд барои гузаронидани пажуҳиш дар Амрико кӯмаки молӣ дарёфт кунанд

Қабули дархостҳо барои иштироки донишмандони тоҷик дар барномаи бурсияи “Фулбрайт”-и Амрико дар соли таҳсили 2027–2028 оғоз шудааст.

Дар ин бора сафорати Иёлоти Муттаҳида дар Тоҷикистон хабар дода, гуфтааст, ки довталабон имкон доранд то рӯзи 6-уми ноябр ҳуҷҷатҳои худро барои дарёфти ин бурсия пешниҳод кунанд. Ин барнома ба олимон ва мутахассисони тоҷик, ки дараҷаи докторӣ ё мадраке ҳамсатҳи он доранд, имкон медиҳад дар дар яке аз донишгоҳҳои Амрико таҳсил карда, дар ин муддат пажӯҳиш гузаронанд.

Ҳангоми пазириш авлавият ба довталабоне дода мешавад, ки таҷрибаи кори беш аз 10 солро доранд. Самтҳое, ки барои пажӯҳиши онҳо афзалият дода мешавад, ҳуши маснуӣ, фанновариҳои рақамӣ, канданиҳои ҳаётан муҳим, захираҳои энерживу об ва мудирияти касбу кор ҳастанд. Онҳое, ки бурсияро дарёфт мекунанд, хароҷоти сафарашон ба Амрико пардохт шуда, кумаки молӣ (грант) дарёфт мекунанд ва бимаи дармонӣ низ мешаванд.

📱 Обуна шавед — Ҳамдастӣ
📱Ба Тик Токи мо обуна шавед