Дар Кӯлоб аз бағоҷи автомашина 110 ҳазор сомонӣ дуздида шуд

Дар шаҳри Кӯлоб ҳодисаи дуздии 110 ҳазор сомонӣ аз бағоҷи автомашинаи тамғаи BMW ба қайд гирифта шудааст. Тавре Вазорати корҳои дохилии Тоҷикистон хабар медиҳад, 8 октябри соли 2026 ба ШВКД дар шаҳри Кӯлоб аризаи сокини маҳаллӣ, марди соли таваллудаш 1995, ворид гардидааст.

Ба гуфтаи ӯ, шахсони номаълум ба манзили истиқоматиаш ворид шуда, аз бағоҷи автомашинаи шахсиаш маблағи 110 ҳазор сомониро дуздидаанд.

Дар натиҷаи чорабиниҳои оперативӣ-ҷустуҷӯӣ муайян карда шудааст, ки ба ин ҳодиса ду зани соли таваллудашон 2004 — яке сокини ноҳияи Шамсиддин Шоҳин ва дигаре сокини шаҳри Кӯлоб — инчунин ноболиғи соли таваллудаш 2011, сокини шаҳри Кӯлоб, гумонбар дониста мешаванд.

Оид ба ин ҳодиса тафтишот идома дорад.

📱 Обуна шавед — Ҳамдастӣ
📱Ба Тик Токи мо обуна шавед