Ҳамкории Тоҷикистон бо Бонки ҷаҳонӣ дар самти сайёҳӣ вусъат меёбад

8-уми октябр дар Кумитаи рушди сайёҳии назди Ҳукумати Ҷумҳурии Тоҷикистон вохӯрии муовини раиси Кумита Зиёдулло Салимзода бо намояндагони Бонки ҷаҳонӣ (World Bank) баргузор гардид.

Тавре ки маркази матбуоти Кумитаи рушди сайёҳӣ хабар медиҳад, дар мулоқот масъалаҳои марбут ба рушди минбаъдаи соҳаи сайёҳӣ, таҳкими ҳамкориҳои Тоҷикистон бо Бонки ҷаҳонӣ ва имкониятҳои татбиқи ташаббусҳои муштарак дар самти рушди инфрасохтори сайёҳӣ, ҷалби сармоягузорӣ, баланд бардоштани сифати хизматрасониҳо ва фароҳам овардани шароити мусоид барои рушди сайёҳии устувор мавриди баррасӣ қарор гирифтанд.

"Ҷонибҳо таъкид намуданд, ки густариши ҳамкориҳои судманд ва истифодаи таҷрибаи байналмилалӣ метавонад ба рушди иқтидори сайёҳии кишвар, афзоиши саҳми соҳа дар иқтисоди миллӣ ва муаррифии имкониятҳои васеи сайёҳии Тоҷикистон дар арсаи байналмилалӣ мусоидат намояд", - зикр мегардад дар иттилоия. 

📱 Обуна шавед — Ҳамдастӣ
📱Ба Тик Токи мо обуна шавед