Иштибоҳи ҳамлунақлӣ боис шуд, ки ҷузъҳои ҳассоси F-35 ба Чин бирасанд

Тибқи гузориши Bloomberg, бар асари иштибоҳи корманди ширкати UPS ҷузъҳои ҳассоси ҷангандаи амрикоии F-35 тавассути Ҳонконг ба Чин интиқол ёфтаанд. Гуфта мешавад, ин ҷузъҳо бо маводи ҷаббандаи мавҷҳои радарӣ пӯшонида шудаанд ва тибқи қоидаҳои содиротии ИМА набояд аз қаламравҳои таҳти маҳдудият убур мекарданд.

Қаблан ширкати боркашонии DSV дар бораи манъи интиқоли чунин борҳо тавассути баъзе кишварҳо ҳушдор дода буд. Аммо ба далели таъхир дар интиқоли бор аз Австралия, масири он тағйир дода шуда, тавассути Ҳонконг равона шудааст.

Мақомоти амрикоӣ таҳқиқи ин ҳодиса ва занҷираи таъминоти таҷҳизоти низомиро оғоз кардаанд. Коршиносон ҳушдор медиҳанд, ки чунин ҷузъҳо метавонанд барои омӯзиши технологияҳои пинҳонкорӣ ва роҳҳои муқовимат ба F-35 барои Чин аҳамияти техникӣ дошта бошанд.

📱 Обуна шавед — Ҳамдастӣ
📱Ба Тик Токи мо обуна шавед