Yeni reallığın ən mühüm xüsusiyyəti müharibələrin yalnız cəbhə xəttində aparılmamasıdır. Enerji marşrutları, dəniz kommunikasiyaları, pilotsuz uçuş aparatları, kritik infrastruktur, iqtisadi sanksiyalar, kiberməkan və informasiya mühiti artıq klassik hərbi güclə eyni strateji əhəmiyyət daşıyır.

Yaxın Şərq bunun ən aydın nümunəsidir.

ABŞ–İsrail və İran arasında fevraldan başlayan müharibənin nəticələri regionun digər aktorlarına da yayıldı. Hörmüz boğazı ətrafındakı təhlükəsizlik problemi ilə yanaşı, Yəməndə husilərin yeni hücumu Qırmızı dəniz və Babül-Məndəb boğazını yenidən qlobal təhlükəsizlik gündəminin mərkəzinə gətirdi. Sentyabr ayında husilər Yəmənin Qırmızı dəniz sahilində mühüm ərazilər ələ keçirərək Babül-Məndəbə nəzarət imkanlarını genişləndiriblər.

Bu isə yalnız Səudiyyə Ərəbistanı və Yəmən üçün deyil, Asiya–Avropa ticarət xətti və enerji daşımaları üçün də strateji problemdir.

Burada Türkiyənin mövqeyi xüsusi əhəmiyyət daşıyır.

Ankara, Səudiyyə Ərəbistanı və Pakistan arasında avqust ayında imzalanmış müdafiə razılaşması çərçivəsində Səudiyyənin müdafiə ehtiyaclarına dəstək verməyə hazır olduğunu açıqlayıb. Türkiyənin xarici işlər naziri Hakan Fidan Ankaranın texniki hərbi ehtiyacların qarşılanmasına kömək edə biləcəyini bildirib.

Yaxın Şərqdə yeni təhlükəsizlik koalisiyaları formalaşır və regional dövlətlər artıq təhlükəsizliyi yalnız ABŞ-ın hərbi təminatı üzərindən qurmaq istəmirlər…

Hörmətlə: 🌐@GSSR44