​Қурилмангизга мос келмайдиган ёки маълум давлатлар учун мўлжалланган иловаларни қандай ўрнатиш мумкин?

Смартфонингизга Google Play Маркетдан бирор иловани юклаб олмоқчи бўлганингизда, "Қурилмангиз ушбу версия билан мос эмас" (Не поддерживается на вашем устройстве) ёки "Сизнинг мамлакатингизда қўллаб-қувватланмайди" (Недоступно в вашей стране) каби ёзувларга дуч келсангиз, билингки, муаммонинг ечими мавжуд.

Қуйида ушбу ечимларнинг бир нечасини айтиб ўтамиз.

Огоҳлантириш
Қуйидаги ечимлар мос бўлмаган иловаларни ўрнатишда ёрдам бериши мумкин, аммо юзага келган муаммони ҳал қилишнинг кафолати эмас. Илова ўрнатилган тақдирда ҳам смартфонингизда ишламаслиги мумкин, сабаби эса эскирган Android тизими ёки техник параметрларининг етарли бўлмаслиги.

Бундан ташқари, норасмий манбалардан (Google Play расмий манба) иловаларни ўрнатиш ва VPN хизматларидан фойдаланиш хавфли бўлиши мумкинлигини эсдан чиқарманг.
• Огох бўлинг! Интернетдаги "зараркунанда" ва фирибгарлар
• Бепул VPN хизматлари ҳақиқатан ҳам бепулми?

VPN дан фойдаланиш
VPN иловалари фойдаланувчи ҳақиқий жойлашув ҳудуди ўрнига бошқасини танлашга имкон беради. Шу усул билан маълум давлатлар учун мўлжалланган иловаларни Google Play Маркетдан юклаб олиб, кейин VPN иловасини ўчириб қўйиш мумкин. Масалан, Spotify мусиқа тинглаш хизмати иловасини шу усулда ўрнатса бўлади.

• Прокси ва VPN бу нима?

APK ни қўлда ўрнатиш
Android тизимида APK форматидаги файллардан фойдаланган ҳолда иловаларни қўлда ўрнатиш усули мавжуд. Улар ҳақида каналимиздаги қуйидаги маълумотларни ўқиб чиқинг:
• APK файллари нима?
• Aurora Store - Play Market иловаси ва google хизматларига боғлиқ бўлмаган ҳолда, PlayStore дан иловаларни юклаб олиш ва ўрнатиш имконияти.

• Илова ва ўйинларнинг турли хил версияларини юклаб олиш сайтлари
• Google Play мавжуд бўлмаган қурилмалар ёки бошқа сабаблар билан Play маркетдан керакли илова ва ўйинларни кўчира олмасангиз, унда ушбу бот Сизга ёрдам беради: @apkdl_bot

Баъзида Google Play Маркетдан доимий ўрнатиб, фойдаланиб келаётган иловаларимизда ҳам "Қурилмангиз ушбу версия билан мос эмас" огоҳлантириш ёзуви чиқиб қолади. Муаммонинг ечими ушбу хабарда:
• Play Маркетдан иловалар юклаб олинмаса ёки ўрнатилмаса нима қилиш керак?

Мавзуга оид каналимиздаги қўшимча маълумот
• Google Play (Play Маркет) имкониятлари

#маълумот #PlayМаркет