​Xiaomi смартфонларида "иккинчи жой" ва "иловаларни клонлаш" функцияларини қайтариш

Xiaomi смартфонларининг эгалари Android 11 версиясига асосланган MIUI учун янгилашни ўрнатганларидан сўнг, тизимда баъзи имкониятлар йўқолиб қолганини пайқаб қолишди. Хусусан, фойдаланувчилар "иккинчи жой" (второе пространство) ва "иловаларни клонлаш" (клонирование приложений) функциялари йўқлигидан шикоят қилишмоқда.

Аслида ушбу функциялар янгиланган тизимда тўлиқ ўчирилмаган, балки шунчаки яширинган (сабаби номаълум). Қуйида уларни қандай топиш мумкинлигини билиб оламиз.

• Google Play Маркетдан Activity Launcher иловасини юклаб олинг, очинг ва барча керакли рухсатларни беринг.
• Илованинг юқори қидирув қисмида керакли функция калит сўзини ёзинг. Масалан, "ikkinchi" (второе) ёки "klonlash" (клонирование) сўзини ёзинг ва натижадан биринчисини танланг (скриншотда кўрсатилган).
Шунингдек ушбу функциялар ёрлиқларини иш столингизда яратишингиз мумкин. Бунинг учун бармоғингизни элемент устида бир оз ушлаб туринг ва "Ёрлиқ яратиш" (Создать ярлык) бандини танланг.

Баъзи бир смартфонларда (Redmi 9) MIUI янгиланишидан сўнг, экранни иккига бўлиш функцияси ҳам йўқолиб қолгани ҳақида айтишган эди. Афсуски, ушбу имкониятни қайтариш усули ҳозирча номаълум.

Савол: Юқоридаги кўрсатилган функциялар MIUI янгиланишидан сўнг смартфонингизда йўқолиб қолмадими?

#маълумот