Иловаларни клонлаш: бир вақтнинг ўзида ижтимоий тармоқлар ва ўйинларда турли хил аккаунтлардан фойдаланиш

Иловаларни клонлаш, битта иловада (масалан, Facebook, Instagram) бир нечта ҳисоб қайдномасидан (аккаунт) фойдаланиш имконини беради. Баъзи смартфонлар ва иловаларнинг (Telegram) ўзида ҳам ушбу имконият мавжуд, лекин чекланган иловаларни қўллаб-қувватлайди.
(бир нечта аккаунт, шахсий ва хизмат вазифангиз учун юритилаётган ижтимоий тармоқларни бошқариш учун ҳам қулай бўлиши мумкин )

Смартфонингизда иловаларни клонлаш учун қуйидагиларни бажаринг:

- Parallel Space (https://play.google.com/store/apps/details?id=com.lbe.parallel.intl&hl=ru) иловасини юклаб олинг ва очинг.

- Дастурни ишга туширганингизда клонлаш мумкин бўлган иловаларни олдиндан кўриб оласиз. Агар рўйхатда керакли илова мавжуд бўлса, унинг олдига тасдиқ белгисини қўйинг ва "Parallel Space га қўшиш" (Добавить в Parallel Space) тугмасини босинг.
Агарда сизга керакли илова дастлабки рўйхатда бўлмаса ҳам, бирон бир илова ёнидаги катакчани белгилашингиз ва Parallel Space га қўшишингиз керак, акс ҳолда кейинги босқичга ўтолмайсиз. Дастлаб WhatsApp, Gmail ва FB Messenger каби иловалар мавжуд бўлади.

- Энди тегишли белгини босиш орқали очиладиган клонланган иловаларнинг рўйхатини кўрасиз. Агар сизга керакли илова бўлмаса ёки бошқа иловани клон қилмоқчи бўлсангиз, "Иловани қўшиш" (Добавить приложение) тугмасини яна бир марта босинг.

- Шундан сўнг смартфонингиздаги бошқа иловаларни клонлашингиз мумкин бўлади

Клонлаштирилган иловани очиш учун, аввал Parallel Space га кириб, кейин керакли илованинг белгисини босиш керак бўлади.

Худди шу турдаги бошқа иловалар:
- Dual Space - Multiple Accounts & App Cloner (https://play.google.com/store/apps/details?id=com.ludashi.dualspace&hl=uz)
- App Cloner (https://appcloner.app/)

#маълумот