Агропромышленнӧй комплексын пыдди пуктана уджалысьяс!

Дона ветеранъяс!

Сьӧлӧмсянь чолӧмала тіянӧс Видз-му овмӧсын да переработайтан промышленносьтын уджалысь лунӧн!

Комиын Сикт воӧ торйӧн нин гӧгӧрвоана, кутшӧм тӧдчана тіян уджныд. Тайӧ абу сӧмын удж, тайӧ – гора кывъястӧг, вын-эбӧс жалиттӧг быд лун вӧчан подвиг.

Агропромышленносьтын зільӧны збыльысь профессионалъяс, кодъясӧс ми пыдди пуктам чужан му дорас помтӧм муслунысь. Ті он полӧй кӧдзыд войвылын сьӧкыдлунъясысь. И тіян уджысь водзӧсӧн гӧрдитчӧ республиканым.

Ми зілям сӧвмӧдны агропромышленнӧй комплекс аскиа лунӧ видзӧдӧмӧн. Восьталам школаясын агроклассъяс. И тайӧ лоӧ инвестицияӧн налы, кодъяс аски кутасны вӧдитны видз-му овмӧс, пырӧдчыны выль технологияясӧ, сӧвмӧдны сикт.

Республикаын кыпалӧны ӧнія кадся фермаяс, выльмӧ техника да оборудование, бурмӧ переработайтан предприятиеясын удж. Государство отсӧгӧн фермеръяс збыльмӧдӧны мазі вӧдитӧм, чери рӧдмӧдӧм да яй переработайтӧм кузя уджтасъяс.

Водзӧ паськалӧ видз-му овмӧс сӧвмӧдан нырвизь. 2026 воын куим пӧв унджык угоддьӧын вӧлі кӧдзӧма кукуруза. Тайӧ миян республикаын смел эксперимент да выль гырысь позянлунъяса вӧвлытӧм на технология.

Агропромышленносьтлы зэв тӧдчана «Росагролизингкӧд» ёртасьӧм. Июньын Петербургын войтыркостса экономика форум дырйи кырымалӧм сёрнитчӧмыс сетас позянлун выльмӧдны техника, кыпӧдны скӧт картаяс, лӧсьӧдны содтӧд уджалан местаяс. Ставыс тайӧ отсалас водзӧ сӧвмӧдны миянлысь сиктса овмӧдчӧминъяс.

Видз-му овмӧсын пыдди пуктана уджалысьяс, улӧдз копыр тіянлы зільӧмсьыд, уджнытӧ радейтӧмысь, ставсьыс, мый вӧчанныд Коми Республикалы бур вылӧ. Сиа, медым став дум-кӧсйӧмныд збыльмис, медым вермӧмъяссьыд вӧлі нимкодь, а уджсьыныд сьӧлӧмныд бурмис!