Коми да Чувашия: Ыджыд гастрольяс.
 
2026 вося кӧч тӧлысь 30-ӧд лунсянь йирым тӧлысь 3-ӧд лунӧдз Коми Республикаса вужвойтырлӧн шылада-драмаа театр петкӧдчис Чебоксарыын. Прӧйдитісны "Ыджыд гастрольяс", кодъясӧс котыртіс ФГБУК РОСКОНЦЕРТ Россия Федерацияса культура министерстволӧн став Россияса гастрольно-концертнӧй план серти.
 
Коми театр петкӧдліс нёль спектакль К. В. Иванов нима Чувашскӧй академическӧй драмтеатрлӧн сцена вылын. Программаӧ пырисны разнӧй боксянь коми театральнӧй искусство петкӧдлысь пуктасъяс: "Василий Теркин" оперетта-сьыланкыв, "Жизнь с привилегиями "навечно" документальнӧй драма, "Мамлӧн сьылан" драма да "Эзысь шабді" муслун йылысь теш.
 
Спектакльяссӧ видзӧдісны 1500 гӧгӧр морт. Видзӧдысьяс пӧвстын вӧліны став арлыдаыс: велӧдчысьяс, студентъяс, арлыда войтыр, уна челядя семьяяс, СВО-ын участвуйтысьяс, а сідзжӧ Чебоксарыӧ локтӧм туристъяс.
 
Тайӧ вежонӧ нин Чувашияса театр воча локтас Сыктывкарӧ. Шылада-драмаа театр сцена вылын гӧстьяс петкӧдласны куим спектакль: йирым 7-ӧд лунӧ 18:30 «Хуркайӑк çулӗ» (Материнское поле) эпическӧй драма, йирым 8-ӧд лунӧ 18 часын - «Куйкăрăш» (Призрак счастья) мистикаа драма, йирым 9-ӧд лунӧ 13 часын - челядьлы «В поисках Большой Медведицы» мойд.