🇯🇵 Японияда 9,9 магнитудали зилзила ҳақида хато огоҳлантириш берилди

Кеча Япония Метеорология агентлиги Курил ороллари ҳудудида 9,9 магнитудали зилзила содир бўлгани ҳақида шошилинч огоҳлантириш берди. Агар бундай зилзила ҳақиқатдан содир бўлганида, у асбоблар билан қайд этилган тарихдаги энг кучли зилзиладан ҳам юқори бўлар эди.

Огоҳлантириш Хоккайдодан марказий Япониягача бўлган ҳудудларга юборилди. Телефонлар ва жамоат огоҳлантириш тизимларида сигналлар ишга тушди. Бироқ 8 дақиқадан кейин огоҳлантириш бекор қилинди.

Аслида Россиянинг Камчатка яримороли яқинида 6,9 магнитудали зилзила содир бўлган. Япония агентлиги уни автоматик ҳисоблаш тизими орқали нотўғри аниқлаб, зилзила кучини 9,9 деб ортиқча баҳолаган. Хатонинг аниқ сабаби ҳозирча текширилмоқда.

Японияда амалда қайд этилган энг кучли силкиниш Хакодате шаҳрида атиги 1 баллни ташкил қилган. Цунами хавфи ҳам эълон қилинмаган. nippon.com

@Geointriga_uz