Саудия Арабистони валиаҳд шаҳзодаси Мухаммад бин Салмон Ямандаги ҳусийлар ҳужумлари кескин кучайгани сабабли хавфсизлик чораларини жиддий кучайтирган. Бу ҳақда The Wall Street Journal Саудия расмийлари ва вазиятдан хабардор манбаларга таяниб хабар берди.
Нашр маълумотларига кўра, шаҳзода ерости бункерлари билан жиҳозланган, кучли қўриқланадиган сарой мажмуалари ўртасида ҳаракатланмоқда. Унинг хавфсизлигини шахсан танланган махсус қўриқлаш хизмати таъминламоқда.
Хавфсизлик чораларининг кучайтирилишига Саудиянинг ҳаво мудофааси учун мўлжалланган ракета тутувчи ракеталар, хусусан, Patriot тизимларидаги ракеталар захираси камайиб бораётгани сабаб бўлган.
WSJ маълумотларига кўра, дронлар ва баллистик ракеталарнинг тез-тез қўлланиши натижасида ракета тутувчи ракеталар захираси кескин камайган. Саудия ҳукумати АҚШ ва бошқа Ғарб иттифоқчиларини ракеталар етишмаслиги ҳақида огоҳлантирган.
@Geointriga_uz