Украина президенти Зеленский Германия канцлери Мерц билан учрашув якунларига кўра, икки давлат 8,5 миллиард евро қийматида 15 та келишув тузганини маълум қилди.

Ҳамкорликнинг асосий йўналишлари дронларни тутиб қолиш воситалари, кичик ракеталар, радарлар ва артиллерия тизимларини ишлаб чиқиш, шунингдек, Украина энергетика соҳасини қўллаб-қувватлашни ўз ичига олади.

Томонлар ҳаво мудофаасини кучайтириш ва Германиянинг ўзида Patriot тизимлари учун ракеталар ишлаб чиқаришни кўпайтириш бўйича ҳам алоҳида иш олиб боради. Зеленскийнинг айтишича, Украина мудофаа буюртмалари Германия корхоналарини иш билан таъминлайди.