Алмати вилоятининг Шелек қишлоғида «Ҳизб ут-Таҳрир» фаолиятига алоқадорликда гумон қилинаётган шахсларга нисбатан тезкор-профилактик тадбирлар ўтказилди. Гуруҳга 25 нафар маҳаллий аҳоли жалб қилингани айтилмоқда.

Тинтувлар вақтида смартфонлар, китоблар, брошюралар ва диний мазмундаги ёзувлар олиб қўйилди. Ҳозирда тергов ҳар бир гумонланувчининг алоқадорлик даражасини аниқламоқда ва олиб қўйилган материалларни ўрганмоқда.

Сунний диний-сиёсий ташкилот «Ҳизб ут-Таҳрир» 1953 йилда Қуддусда ташкил этилган. Ташкилотнинг мақсади исломий давлат — халифаликни тиклашдан иборат. У 50 дан ортиқ мамлакатда фаолият юритиши ва дунё бўйлаб тахминан 1 миллион кишини бирлаштириши айтилмоқда. 1990–2000 йилларда ташкилот Марказий Осиё, Россия ва Украинада айниқса фаол бўлган.