«Масалан, сунъий йўлдош ерларни ўрганади: қаерда қандай тупроқ бор, қайси экинларни экиш мумкин ва мўл ҳосил олиш учун нима қилиш керак. Шунингдек, об-ҳавони кузатади: ёғингарчилик бўладими, қанча қор ёғади, шамол қачон бўлади — буларни олдиндан билиш ва ўз вақтида чора кўриш мумкин. Бундан ташқари, у фойдали қазилмалар захирасини баҳолашга ёрдам беради», — деди президент.
Жапаровнинг таъкидлашича, аввал давлат сунъий йўлдошлари бор мамлакатлардан маълумот сотиб оларди.
«Биз улардан 100 ёки 1000 гектар ер, об-ҳаво ҳақида маълумот беришни сўрардик. Бунинг учун катта маблағ тўлардик. Энди эса мустақилмиз. Ҳар куни 1,5–2 соат давомида ўз ерларимизни ўрганамиз. 5–10 йил ичида уни ҳар бир квадрат метргача ўрганиб чиқамиз. Тупроғимиз қандай, нима қилиш мумкин, қанча фойдали қазилма бор — буларнинг барчасини ўзимиз, 100 фоиз мустақил равишда ўрганамиз», — деди у.
@Geointriga_uz