🟥

🔹زنگان سلام

🔻عشق و وفا اؤلکه‌سی زنگان سلام
خاطره‌لر جرگه‌سی زنگان سلام

🔻گؤرمه‌لیدی چؤللریوین جئیرانی
یاخشی‌دی هم تولکوسو هم دووشانی
من باخیرام خاطره‌دیر هریانی

عشق و وفا اؤلکه‌سی زنگان سلام
خاطره‌لر جرگه‌سی زنگان سلام

🔻کوچه به کوچه تانیرام من سنی
قیش‌دا دا شوقه گتیررسن منی
کان هنر شعر و غزل معدنی

عشق و وفا اؤلکه‌سی زنگان سلام
خاطره‌لر جرگه‌سی زنگان سلام

🔻تا کی فشاردان اولورام فشفشه
یا گیره بیلمیر ال- آیاغیم ایشه
تئز #گاوازنگه قاچیرام گردشه

عشق و وفا اؤلکه‌سی زنگان سلام
خاطره‌لر جرگه‌سی زنگان سلام

🔻ایندی سوروشما کی حالیم عالی‌دی؟
مشکلاتیم هر نمه وار مالی‌دی
حیف اولا کی دای خشابیم خالی‌دی

عشق و وفا اؤلکه‌سی زنگان سلام
خاطره‌لر جرگه‌سی زنگان سلام

🔻یئددی بوروق کوچه‌لرین وار یا یوخ
فصل پاییز جوجه‌لرین وار یا یوخ
یاغدی یاغیش نووچه‌لرین وار یا یوخ

عشق و وفا اؤلکه‌سی زنگان سلام
خاطره‌لر جرگه‌سی زنگان سلام

🔻ایندی آچیق گؤزله سایاق گلمیشم
سوغات آلیب الده پیچاق گلمیشم
قوینوو آچ من ده قوناق گلمیشم

عشق و وفا اؤلکه‌سی زنگان سلام
خاطره‌لر جرگه‌سی زنگان سلام

🔻بوش یئره زنگانلی اولان، گؤینه‌مز
اصلین ایتیرمز چؤرگین تک یئمز
گو‌ل‌دن آغیر بیر نفره سوز دئمز

عشق و وفا اؤلکه‌سی زنگان سلام
خاطره‌لر جرگه‌سی زنگان سلام

#محمد_حسنی

#هفته‌نامه‌گاوازنگ

https://t.me/gavazangzn