📌 “Women Shaping the Startup Ecosystem” forumi: qiyinchiliklardan natijaga

✨ 24-sentabr kuni “ICT Week Uzbekistan 2026” doirasida xotin-qizlar uchun forum bo‘lib o‘tdi. Forum ayollarning startap ekotizimidagi o‘rnini kuchaytirish, texnologik tadbirkorlik va sun’iy intellekt imkoniyatlariga bag‘ishlandi. Unda 200 ga yaqin ishtirokchi qatnashdi.

✅ Forumni Raqamli texnologiyalar vaziri maslahatchisi Kamola Sobirova ochib berdi.

Forumda O‘zbekistonning StartupBlink reytingida dunyodagi eng tez rivojlanayotgan startap ekotizimi sifatida “Yil mamlakati” deb e’tirof etilgani ta’kidlandi.

Mamlakatimiz gender tengligi indeksida esa ikki yilda 103-o‘rindan 52-o‘ringa ko‘tarilgani qayd etildi.

🔍 Raqamlarda:
➡️ xotin-qizlar tomonidan yaratilgan 220 dan ortiq startap 4,6 mln AQSh dollaridan ziyod investitsiya jalb qilgan;

➡️ Coursera ma’lumotiga ko‘ra, O‘zbekistonda generativ AI kurslari o‘quvchilarining 58,9 foizi xotin-qizlardir.

🎯 Inkubatsiya dasturlarida xotin-qizlar ulushi 18 foiz bo‘lsa, akseleratsiya bosqichida 7,7 foizga teng. Shu sababli endigi maqsad ta’lim, mentorlik, investitsiya va xalqaro bozor imkoniyatlarini yagona zanjirga bog‘lashdir.

✔️ “Women, Tech & Startups” panel muhokamasida 6 nafar ekspert ishtirok etdi:

🎤 N.Sultonxodjayeva (“TBC Biznes”) – xotin-qizlar tadbirkorligini qo‘llab-quvvatlash tashabbuslari;
🎤 R.Khamdamov (“BILLZ”) – kichik startapdan taniqli texnologik kompaniyagacha bo‘lgan yo‘l;
🎤 L.Wheatcroft (“Coursera”) – AI va raqamli ko‘nikmalarni tez o‘zlashtirish;
🎤 A.Filippova (“IT Park Ventures”) – grantlar, soliq imtiyozlari, akseleratsiya va inkubatsiya dasturlari;
🎤 S.Konev (“IKIGAI PROMOTION”) – sun’iy intellekt yordamida jamoasiz startap boshlash;
🎤 G.Mamirova (“Yashil tashabbuslar” jamg‘armasi) – yashil startaplar va barqaror daromad modeli.

🤖 Shvetsiyalik AI ekspertlari Sh.Alikhanova va A.Alimov “Create Your AI Assistant” workshopini o‘tkazdi. Unda ishtirokchilar real vaqt rejimida o‘z shaxsiy AI-yordamchisini yaratish imkoniga ega boʻlishdi.

Telegram | Instagram | Youtube | LinkedIn