Вилоят ИИБ ташаббуси билан Марғилон шаҳрида аҳоли ўртасида ҳуқуқбузарликларнинг олдини олишга қаратилган кенг қамровли профилактик тадбирлар ўтказилди.
Тадбирлар доирасида «Жиноятдан холи маҳалла» номли ишчи гуруҳ томонидан шаҳар маҳаллалари ва аҳоли хонадонларида тушунтириш-профилактика ишлари олиб борилди. Унда фуқароларга ҳуқуқбузарлик ва жиноятларнинг олдини олиш, қонунчилик талабларига риоя қилиш ҳамда жамоат тартибини сақлаш масалалари юзасидан зарур тавсиялар берилди.
Шунингдек, оилавий-маиший зўравонлик ҳолатларининг олдини олиш, бундай ҳолатларга йўл қўймаслик ва зўравонлик содир этган шахсларга нисбатан қонунчиликда белгиланган чоралар қўлланилиши юзасидан аҳолига батафсил маълумотлар етказилди.
Профилактик тадбирлар давомида фуқароларнинг мурожаат ва муаммолари ҳам ўрганилиб, уларни қонуний тартибда ҳал этиш бўйича масъулларга тегишли тавсиялар берилди.