Ёшлар куни муносабати билан Қувасой шаҳрининг Дўстлик маҳалла фуқаролар йиғини ҳудудида жойлашган 21-мактабида Қувасой шаҳар ИИБ бошлиғи ҳамда бошқа фаоллар иштирокида ёшлар билан учрашув ўтказилди.
Учрашув давомида ёшларнинг бандлиги, таълим, маданият, спорт ва ижтимоий лойиҳалар бўйича фикр-мулоҳазалари тингланди ҳамда ўзаро фикр алмашилди.
Мулоқот жараёнида ёшларнинг ташаббусларини қўллаб-қувватлаш, уларнинг муаммоларини аниқлаш ва мавжуд масалаларга ечим топиш юзасидан масъулларга тегишли кўрсатмалар берилди.
Тадбир очиқ мулоқот шаклида ўтказилиб, ёшларнинг фаол иштироки ва таклифлари билан самарали якунланди.