“O‘zbekistonda Sibir kunlari” doirasida Rossiya delegatsiyasi Farg‘ona davlat texnika universitetiga tashrif buyurdi
🔹Rossiya delegatsiyasi universitet jamoasi tomonidan milliy va zamonaviy kuy-qo‘shiqlar sadolari ostida samimiy va ko‘tarinki kayfiyatda kutib olindi.
Shundan so‘ng Farg‘ona davlat texnika universiteti rektori, professor Rustam Tojiyev delegatsiya vakillari bilan uchrashib, ikki tomonlama hamkorlikning bugungi holati va istiqbollarini muhokama qildi.
🖇Muloqot davomida universitetning bugungi faoliyati, talabalarga yaratilgan sharoit va imkoniyatlar, erishilayotgan yutuqlar hamda istiqboldagi rejalar haqida taqdimot qilindi. Shuningdek, qo‘shma ta’lim va ilmiy loyihalar, talabalar va professor-o‘qituvchilar almashinuvi, akademik mobillik hamda innovatsion ishlanmalarni qo‘llab-quvvatlash masalalariga e’tibor qaratildi.
✨Mehmonlar universitetning ta’lim va ilmiy salohiyati, zamonaviy laboratoriyalari, innovatsion loyihalari hamda ishlab chiqarish bilan integratsiyalashgan faoliyati bilan tanishdilar.
“O‘zbekistonda Sibir kunlari” — Farg‘ona davlat texnika universiteti uchun yangi hamkorliklar, yangi imkoniyatlar va amaliy natijalar sari muhim qadam.
Jarayondan fotolavhalar
Bizni kuzating
Telegram | Instagram | Facebook |Web sayt