#Tashrif
Farg‘ona davlat texnika universitetiga Rossiya delegatsiyasi vakillari tashrif buyurdi
🔹Bugun Farg‘ona davlat texnika universitetiga Skolkovo fan va texnologiyalar instituti (Skoltech) strategik hamkorlik bo‘yicha vitse-prezidenti Алексей Ситников, shuningdek, “Деловая Россия” Bosh kengashi a’zosi, O‘zbekistondagi biznes elchisi, O‘zbekiston savdo uyi rahbari, RSPP boshqaruvi a’zosi, “Ивановская текстильная компания” guruhi egasi Юрий Михайлович Шилов tashrif buyurdi.
🖇Tashrif davomida mehmonlar universitet qoshidagi ChemTech laboratoriyasi faoliyati bilan tanishdilar. Laboratoriyaning ilmiy-tadqiqot yo‘nalishlari, zamonaviy imkoniyatlari hamda kimyo muhandisligi sohasida amalga oshirilayotgan ishlar haqida ma’lumot berildi.
✨Shundan so‘ng delegatsiya vakillari “Airoinjinering” texnoparki faoliyati bilan ham tanishishdi. Texnoparkda qishloq xo‘jaligiga ilg‘or texnologiyalarni joriy etish, ilmiy-tadqiqot ishlarini rivojlantirish va talaba-yoshlarning amaliy ko‘nikmalarini oshirishga qaratilgan loyihalar amalga oshirilmoqda. Texnoparkda yo‘lga qo‘yilayotgan elektron plata yig‘ish bo‘limi faoliyati ham taqdim etildi. Mazkur yo‘nalishda navigatsiya va boshqaruv elektron platalari, sanoat elektron modullari hamda zamonaviy monitoring tizimlarini ishlab chiqish, avtomatlashtirilgan ishlab chiqarish jarayonlarini yo‘lga qo‘yish rejalashtirilgan.
Tashrif davomida tomonlar ta’lim, ilm-fan, innovatsiya va ishlab chiqarish yo‘nalishlarida hamkorlikni rivojlantirish masalalari yuzasidan fikr almashdilar.
Bizni kuzating
Telegram | Instagram | Facebook |Web sayt