⚡ Фемгрупа сардэчна віншуе нашу дарагую сузаснавальніцу і каляжанку Юлію Міцкевіч з прызначэннем на новую пасаду ў Аб’яднаным Пераходным Кабінеце! Цяпер Юлія будзе выконваць абавязкі прадстаўніцы АПК па сацыяльнай палітыцы.

Гэта доўгачаканае і заслужанае прызначэнне, якое шмат значыць для ўсёй беларускай феміністычнай супольнасці і асабліва для Фемгрупы. Мы ўпэўненыя, што яно наблізіць дэмсілы і беларускую супольнасць да гендарнай і сацыяльнай роўнасці, а Юля будзе звонкім голасам найбольш уразлівых групаў.
Гэта вялікая перамога для шматлікіх супольнасцяў, чые патрэбы і жаданні часта застаюцца па-за фокусам тыповай мужчынскай палітыкі, бо каштоўнасці фемінізму базуюцца на салідарнасці, справядлівасці і роўнасці для ўсіх.

💬 Падрабязней пра дэталі прызначэння, Юліну перспектыву і планы чытайце ў інтэрв’ю Радыё Свабода: “Я некамфортная феміністка”.

❤️ Юля, плённай і паспяховай працы табе ў новай ролі! Мы вельмі табой ганарымся!