Gazette Plus / ጋዜጣ ፕላስ/

ኢትዮጵያ በተመድ የሰብዓዊ መብት ምክር ቤት ምክትል ፕሬዚዳንትነቷን በብቃት ተወጥታለች
++++++++++++++

#ጋዜጣ_ፕላስ -ኢትዮጵያ በተባበሩት መንግስታት ድርጅት የሰብዓዊ መብት ምክር ቤት ምክትል ፕሬዚዳንትነቷን በብቃት መወጣቷን የውጭ ጉዳይ ሚኒስቴር ገለጸ።

የተባበሩት መንግሥታት ድርጅት የሰብዓዊ መብቶች ምክር ቤት በ61ኛ መደበኛ ስብሰባው የተለያዩ ውሳኔዎችን አሳልፏል።

የውጭ ጉዳይ ሚኒስቴር ቃል አቀባይ አምባሳደር ነብያት ጌታቸው ለኢዜአ በሰጡት ማብራሪያ፥ ኢትዮጵያ 47 አባል ሀገራት ያሉት የተመድ የሰብዓዊ መብቶች ምክር ቤት አባል በመሆን ለሦስተኛ ጊዜ ተመርጣ በንቃት እየሠራች ትገኛለች።

በዚህ የአባልነት ዘመኗም፣ ከፌብሩዋሪ 23- ማርች 31/2026 በጄኔቫ ሲካሄድ በቆየው በ61ኛው የምክር ቤቱ መደበኛ ስብሰባ ላይ የምክር ቤቱ ምክትል ፕሬዝዳንት በመሆን የመጀመሪያውን የአመራር ኃላፊነት በብቃት ተወጥታለች።

በስብሰባው ዓለም አቀፍ የሰብዓዊ መብት ጉዳዮችን በሚመለከት በአባል ሀገራት የቀረቡ 38 ውሳኔዎች የተላለፉበት ሲሆን ከእነዚህ ውስጥም ሰባቱ ሀገር ተኮር ውሳኔዎች መሆናቸውን ጠቅሰዋል።

ከሀገር ተኮር (Country Specific) ውሳኔዎች መካከል ከዩክሬን እና ሩሲያ ግጭት፣ ቤላሩስ፣ የሶሪያና ጎላን አካባቢ ባሉ ጉዳዮች፣ በፍልስጤም እና ከደቡብ ሱዳን ጋር የተገናኙ ጉዳዮች ይገኙበታል ብለዋል።

በእነዚህ ሀገር ተኮር ጉዳዮች ላይ አባል ሀገራቱ ከራሳቸው ብሔራዊ ጥቅም በመነሳት፥ የመደገፍና የመቃወም ውሳኔ ማሳለፋቸውን ጠቅሰዋል።

ኢትዮጵያም እንደ አባል ሀገር በተለያዩ ጉዳዮች ላይ አቋሟን ማንጸባረቋን ጠቅሰው፥ ሀገራችን በመርህ ደረጃ ሀገር ተኮር ውሳኔን እንደማትደግፍ ገልጸዋል።

እንደዚህ ያሉ ውሳኔዎች ከዚህ ቀደም እንደነበሩና ኢትዮጵያ እንደምትቃወምም አንስተዋል።

ለአብነትም ኢትዮጵያ ችግር ላይ በነበረች ጊዜ ሀገራችን ባልተስማማችበት ጉዳይ የዓለም አቀፍ የሰብዓዊ መብቶች ባለሙያዎች ኮሚሽን ተቋቁሞ እንደነበር አስታውሰው፥ ኢትዮጵያና ሌሎች ሀገራት በጋራ እንዲቀለበስ ማድረጋቸውን አስረድተዋል።

እንደዚህ ያሉ ሀገር ተኮር ጉዳዮች የሚመለከታቸው ሀገራት ሳይስማሙባቸው የሚቋቋሙ፣ የዓለም አቀፉን የወንጀል ፍርድ ቤት ሥልጣንና ሚና የሚያጣቅሱ፣ እንዲሁም የምርመራና የዓለም አቀፍ ዳኝነት ይዘት ያላቸው ናቸው ብለዋል።

ኢትዮጵያ እንደዚህ ያሉ የሀገርን ሉዓላዊነት ጥያቄ ውስጥ የሚጥሉ ሀገር ተኮር ውሳኔዎችን በመርህ ደረጃ እንደማትደግፍ በማንሳት፥ በጉባኤው ያሳለፈችው ውሳኔም ይህንኑ እንደሚያሳይ ተናግረዋል።

ኢትዮጵያ ፍልስጤም እና የእስራኤልን በተመለከተ በተመድ መድረክ ስታራምድ የቆየችውን አቋም አሁንም ማስቀጠሏን ገልጸዋል።

የእስራኤልና ፍልስጤም የሁለት ሀገርነት መርህን እንደምትደግፍና ከሁለቱም ጋር መልካም ግንኙነት እንዳላት አንስተዋል።

ኢትዮጵያ የፍልስጤምን ሕዝብ የራስን ዕድል በራስ የመወሰን መብት እንደምትደግፍ ጠቅሰው፥ ይህንንም በተባበሩት መንግሥታት የሰብዓዊ መብቶች ምክር ቤት ጉባኤ የተላለፈውን የፍልስጤም የራስ ገዝነት ውሳኔ (HRC/61/L.37) ደግፋ ድምፅ መስጠቷን ተናግረዋል።

የሁለት ሀገርነት መፍትሔውም በዘላቂነት በተባበሩት መንግሥታት ጠቅላላ ጉባኤዎችና በጸጥታው ምክር ቤት ውሳኔዎች መሰረት እንዲተገበር ጥሪ ማቅረቧንም ገልጸዋል።

በሌላ በኩል በጉባኤው በመካከለኛው ምስራቅ ያለው ውጥረት ከየአር ትራንስፖርት፣ ከመርከቦች እንቅስቃሴ፣ በቀጥታ በኢኮኖሚና በማህበራዊ ጉዳዮች ላይ የሚያሳድረውን ጫናና ስጋት ለጉባኤው መግልጿን ጠቅሰዋል።

አፋጣኝ ተኩስ አቁም እንዲደረግና መፍትሔ እንዲፈለግ ጥሪ ማቅርቧንም ተናግረዋል።

በአዲስ አበባ እምብርት የተጀመረው ታላቅ ርዕይ፣ ዛሬ መላው ሀገርን አቅፎ፣ በተግባር እየተገለጠ፣ አዲስ ትውልድን ለከፍታ እያነቃቃ ይገኛል!

የለውጥ እና የልማት ጉዟችን አሁንም እንደቀጠለ ነው። ቀጣዩ የታሪክ ምዕራፍ የት ይሆን?

#ገበታለሸገር #ገበታለሀገር #ገበታለትውልድ #PMOEthiopia

"በኦሎምፒክ መድረክ ለሀገራችን የወርቅ ሜዳሊያ ያስገኙ 15 አትሌቶችን የሚዘክሩ የክብር ሐውልቶችን በአዲስ ስፖርት ፓርክ መሃል በማቆም፣ የጀግኖቻችን ታሪክ ለተተኪ ትውልድ ስፖርተኞች ተምሳሌት ሆኖ እንዲቀጥል ያደርጋል"

- ጠቅላይ ሚኒስትር ዐቢይ አሕመድ(ዶ/ር)

#የጀግኖቻችን_ታሪክ #OlympicLegacy #የኢትዮጵያ_ጀግኖች #ChampionsPark #አዲስ_ስፖርት_ፓርክ
#NextGenerationAthletes

"በሀገር ውስጥ መድኃኒትን የማምረት አቅም ወደ 44 በመቶ አድጓል”
- ጠቅላይ ሚኒስትር ዐቢይ አሕመድ (ዶ/ር)

++++++++++++
#ጋዜጣ_ፕላስ | በሀገር ውስጥ መድኃኒትን የማምረት አቅም ወደ 44 በመቶ ማሳደግ መቻሉን ጠቅላይ ሚኒስትር ዐቢይ አሕመድ (ዶ/ር) ገለጹ።

ጠቅላይ ሚኒስትሩ ይህንን ያሉት በአርማወር ሐንሰን የምርምር ተቋም ቅጥር ግቢ ውስጥ የተገነባውን እና በዘመናዊ ቴክኖሎጂ የተደራጀውን የምርምር ማዕከል መርቀው በከፈቱበት ወቅት ነው።

ጠቅላይ ሚኒስትሩ በንግግራቸው፤ እንደ መኪና እና አውሮፕላን ያሉ ቴክኖሎጂዎች ባይኖሩ ሀገር ልትቀጥል ትችላላች።

ምግብ፣ ልብስ እና መድኃኒት ግን የሰው ልጅ መሠረታዊ ፍላጎቶች በመሆናቸው በእነዚህ ዘርፎች ራስን አለመቻል የሀገርን ሉዓላዊነት ጥያቄ ውስጥ እንደሚከት አስገንዝበዋል።

የኮሮና ወረርሽኝ በወቅቱ ያስከተለው ተግዳሮት እና መድኃኒት ከውጭ ለማግኘት የነበረው አዳጋች ሁኔታ፣ ኢትዮጵያ በእነዚህ ሦስት ቁልፍ ዘርፎች ራሷን ለመቻል ቁርጠኛ አቋም እንድትይዝ ትልቅ መነሳሳት መፍጠሩን አስታውቀዋል።

በባለፉት ጥቂት ዓመታት በመድኃኒት ምርት ዘርፍ ለውጥ መመዝገቡን ያነሱት ጠቅላይ ሚኒስትሩ፤ በሀገር ውስጥ የሚመረተው መድኃኒት ከ8 በመቶ ወደ 44 በመቶ ማደጉን ገልጸዋል።

በሚቀጥሉት ሁለት ሳምንታት ውስጥ የሚመረቁ አዳዲስ ፋብሪካዎች ደግሞ ይህንን አቅም ከ50 እስከ 55 በመቶ እንደሚያደርሱት ጠቁመዋል።

አዲሱ የምርምር ማዕከል በላቀ የላብራቶሪ ምርምር የኢትዮጵያን የመድኃኒትና የክትባት ማምረት አቅም እንደሚያሳድገው እና ሀገሪቱ በሚቀጥሉት አምስት ዓመታት ውስጥ በዘርፉ ያቀደችውን ራስን የመቻል ግብ ለማሳካት ትልቅ መሠረት እንደሚሆን አመላክተዋል።

የምርምር ማዕከሉ ያለው የቴክኖሎጂ ብቃት፣ የሰው ኃይል መነሳሳት እና የተቋሙ ውበት ለሌሎች ተቋማትም አርአያ የሚሆን መሆኑን ገልጸው፣ ምርምሮች ወደ ገበያ ወጥተው የዜጎችን ሕይወት እንዲታደጉ አደራ ብለዋል።

በሄለን ወንድምነው

++++++++++
@የኢትዮጵያ_ፕሬስ_ድርጅት#ጋዜጣ_ፕላስ #ኢትዮጵያ #ጤና #ራስን_መቻል #ሉዓላዊነት

"ታላቋን ኢትዮጵያ ማለም ብቻ ሳይሆን በተግባር እንገነባታለን" - ጠቅላይ ሚኒስትር ዐቢይ አሕመድ(ዶ/ር)
+++++++++++++

የከተማችንን እድሳት ለማፋጠንና የዜጎቻችንን ክብር ለመመለስ የገባነውን ቃል አንዱ ማረጋገጫ የሆነውን የአዲስ ስፖርት ፓርክን በይፋ መርቀን ከፍተናል።
‎
በ5.7 ሄክታር መሬት ላይ ያረፈው ይህ ፕሮጀክት፤ በኦሎምፒክ መድረክ ለሀገራችን የወርቅ ሜዳሊያ ያስገኙ 15 አትሌቶችን የሚዘክሩ የክብር ሐውልቶችን በፓርኩ መሃል በማቆም፣ የጀግኖቻችን ታሪክ ለተተኪ ትውልድ ስፖርተኞች ተምሳሌት ሆኖ እንዲቀጥል ያደርጋል።

የኦሎምፒክ ደረጃውን የጠበቀ የመዋኛ ገንዳ፣ ደረጃቸውን የጠበቁ የእግር ኳስ፣ የቅርጫት ኳስና የሜዳ ቴኒስ መሰረተ ልማቶች እንዲሁም የ800 ሜትር የሩጫ ትራክን ጨምሮ፤ እያንዳንዱ የዚህ ማዕከል ክፍል የዓለም አቀፍ መስፈርቶችን እንዲያሟላ ተደርጎ ተገንብቷል።
‎
‎የእውነተኛ ልማት ማዕከል ማህበረሰቡ ላይ መሆን አለበት! ይህ ፕሮጀክት ከላቀ የስፖርት አገልግሎት ባለፈ፣ በልማቱ ምክንያት ለተነሱ የህብረተሰብ ክፍሎች የኢኮኖሚ አቅም የሚሆኑ 105 አዳዲስ የንግድ ሱቆችን እንዲሁም 3 ሺህ ሰዎችን ማስተናገድ የሚችል ሰፊ ፕላዛ ይዟል።

በአንዴ 300 መኪናዎችን የሚይዝ ባለ ሁለት ወለል የምድር ቤት መኪና ማቆሚያ ያለውና ከወንዝ ዳርቻ ልማት ጋር የተሳሰረው ይህ ፓርክ፤ ንፁህና ዘመናዊቷ ኢትዮጵያ እውን ለማድረግ የጀመርነውን ቁርጠኝነት ጉልህ ማሳያ ነው። ‎

ታላቋን ኢትዮጵያ ማለም ብቻ ሳይሆን በተግባር እንገነባታለን!

#አዲስ_ስፖርት_ፓርክ #ታላቋ_ኢትዮጵያ #የጀግኖች_ታሪክ #የከተማ_እድሳት #በተግባር