ትልቅ ሀገር፣ ትልቅ ሕዝብ፣ ታላቅ ርዕይ
+++++++++++

#ጋዜጣ_ፕላስ፦ ኢትዮጵያን በአንድ የተወሰነ ዘመን፣ በአንድ ጊዜያዊ ፈተና ወይም በአንድ የታሪክ ገጽ ብቻ ተወስኖ ለመግለጽ መሞከር የሀገሪቱን ትልቅነት፣ የዘመናት ጥልቅ ጥበብና የሕዝቧን ሁለገብ ማንነት ካለመገንዘብ ይመነጫል።

ኢትዮጵያ ሺህ ዓመታትን በብዙ መልክ ያሳለፈች፤ ውጣ ውረዶችንም በትውልዶች ቅብብሎሽ የተሻገረች፤ የሥልጣኔ ከፍታዎችን የገለጠች፣ ነፃነቷን ጠብቃም የዛሬው ትውልድ እጅ የደረሰች ሀገር ናት። በውስጧም ብዙ ባሕሎች፣ ቋንቋዎች፣ እምነቶችና ማንነቶች በአንድ የሀገር ማንነት ውስጥ ተሳስረው የሚኖሩባት ናት።

ይህ መልከ ብዙ እና ጥልቅ ታሪክ ደግሞ መገለጫና መከሰቻውም ብዙ ነው። በአክሱም ግዙፍ ሐውልቶች፣ በላሊበላ የውቅር አብያተ ክርስቲያናት፣ በጎንደር ቤተ-መንግሥታት፣ በሐረር ጀጎል ግንብ፣ በጢያ ትክል ድንጋዮች እንዲሁም በኦሞና በአዋሽ ሸለቆዎች የሰው ልጅ ጥንታዊ ታሪክ ውስጥ ሆኖ ዛሬም በግልጽ ራሱን የሚገልጽ ሕያው ምስክር ነው።

በዓለም ቅርስ ዝርዝር ውስጥ (በሚዳሰስም በማያዳሰስም) የተመዘገቡ የኢትዮጵያ ቅርሶችም ይህን ታሪካዊ ጥልቀት ያረጋግጣሉ። ዩኔስኮ በኢትዮጵያ በርካታ ቅርሶችን የዓለም ቅርስ አድርጎ መመዝገቡም የዚህ አስረጂ ነው። ምክንያቱም ይህ የሚያሳየው፣ ሀገሪቱ ለዓለም ሥልጣኔ፣ ለሥነ-ሕንጻ፣ ለባሕልና ለሰው ልጅ ታሪክ ያላትን አበርክቶ ነው።

ነገር ግን ትናንት ታላቅ ነበርን ማለት፣ የዛሬን ታላቅነት ማረጋገጫ አይሆንም። ለምሳሌ፣ ቅርስ የሚከበረው በመጠበቅ ብቻ ሳይሆን፤ ትርጉሙን ለአዲስ ትውልድ በማስተላለፍ....
ሙሉውን መረጃ ለማግኘት_https://gw.press.et/am-digital-content/share/am-stories/4zwzpj4ph7hj2vq6pzm7xreqdd