ከ80 ሺህ በላይ ወጣቶች በ“ሪሞት ጆብስ” ወይም ፍሪላንሲንግ ሥራ ተሰማርተዋል
+++++++++++++++
#ጋዜጣ_ፕላስ | በኢትዮጵያ ከ80 ሺህ በላይ ወጣቶች በ“ሪሞት ጆብስ” ወይም ፍሪላንሲንግ ሥራ ተሰማርተው ተጠቃሚ መሆናቸውን የሥራና ክህሎት ሚኒስቴር አስታወቀ፡፡

የሥራና ክህሎት ሚኒስትር ዴኤታ አቶ ሰለሞን ሶካ ለአዲስ ዘመን ጋዜጣ እንደገለፁት፤ አንድ ባለሙያ ባለበት ቦታ ሆኖ ስማርት ስልክ ወይም ላፕቶፕ በመጠቀም በተለያዩ የዓለም ሀገራት ተቀጥሮ መሥራት የሚያስችለው ሥርዓት ነው።

በዘርፉ ከ80 ሽህ በላይ ወጣቶች ቴክኖሎጅን በመጠቀም እዚሁ ሁነው ሌላ ዓለም ላይ የሥራ ዕድል እንዲያገኙ ምቹ ሁኔታ ፈጥሯል፡፡ ገቢያቸውም እያደገ መሆኑን አስረድተዋል፡፡ በዘርፉ በሥራ ፈጠራና ክህሎት ልማት የሰው ኃይል ምርታማነትን ማሳደግ እንደሚገባ ተናግረዋል፡፡

ዜጎች በዓለም አቀፍ ደረጃ ተወዳዳሪ እንዲሆኑ የዲጂታል ግንዛቤን ማሳደግና የክህሎት ክፍተቶችን መሙላት ወሳኝ መሆኑን አመላክተዋል።

የሪሞት ጆብስ (ፍሪላንስ) ስራ የዲጂታል ክህሎትና እውቀት ያለው ሰው የሚፈልግ በመሆኑ ፤ በዓለም አቀፍ ደረጃ ተወዳዳሪ የሆነ የሰው ኃይል ለመፍጠር ቴክኖሎጂን መሠረት ያደረጉ የሥራ ፈጠራ ሐሳቦች እንዲስፋፉ እንደሚሰራ ተናግረዋል፡፡

በእየሩስ ተስፋዬ

#የኢትዮጵያ_ፕሬስ_ድርጅት #ጋዜጣፕላስ #ዲጂታል_ኢትዮጵያ #ሪሞት_ጆብስ #ፍሪላንሲንግ #የሥራ_ፈጠራ
#ቴክኖሎጂ *#ኢትዮጵያ