«Dam olish kunlari ko‘proq ko‘ra qol»

Ko‘p ota-onalarda bir odat bor: ish kunlari ekranni qattiq cheklab, shanba va yakshanba kunlari bolaga «erkinlik» berishadi. Go‘yoki ish kunlaridagi «tejamkorlik» dam olish kunlari kompensatsiya qilinadigandek.

Miya bunday ishlamaydi.

Ekran vaqti — bu omonat kassa emas. Bugun «tejab», ertaga ikki barobar ishlatish mumkin emas. Bolaning nozik asab tizimi tormozi (self-regulation — o‘zini tuta bilish) dam olish kunlaridagi «dofamin portlashi»dan keyin shunchaki ishdan chiqadi.

Dushanba kuni bog‘cha yoki maktabda bola injiqmi? Diqqatsiz va tajovuzkor bo‘lib qoldimi? Hayron bo‘lmang.

Zarar to‘planadi. U bir kunda yuvilmaydi.

Psixolog sifatida aytaman: tartib yetti kunlik bo‘lishi shart. Dam olish kunlari — bu ekranni ko‘paytirish emas, balki jonli muloqotni, tabiatni va birgalikdagi o‘yinlarni ko‘paytirish vaqtidir.

Hozir telefon berib tinchlantirish oson. Lekin poydevor bugun quyilyapti. G‘ishtni qiyshiq qo‘ymang.

@ekransiz

#Screentime #Ekransiz