سان رووسەم

سان رووسەم!
سەئنەی‌یکم
ڕووڵەی هەزار خەیاڵ ڕووشن
هەناسەی سەٶزێ ڤەهار
ئاشق بزگەی تو


سان رووسەم
ئەمڕوو بێستۊنم دی
چما گئوماتا دوجارە گیرێاوی

وژم دی و لۊلەی دەم تووپ و دیوار پادگان
نمەیتێ خەڵاتم بەین
هەتمە خەڵاتت بووم
نە "بورخسم" ک خەڵات ئەژ "پینووشەم" بگرێ
نە بێ‌دەنگ، چما شیلی‌ێم، داخدار مەیدان سانتیاگو ۱۹۷۳
سان ڕووسەم
ئەمڕوو بێستۊنم دی
چما گئوماتا دوجارە گیرێام
هەتمە گوڕ بگرم
گوڕ بگرین
گڕەی واژەم بچیە "سانتیاگو"
بچووە سەر چیای تاسەی هەزار چۊ تو
بوورێ! بوورێ!
خەڵاتت بگر
قۊتەم دا
ئەر دڵ "بورخسم" شکان
ئەر کوورپەی نەکامێای وڵاتم
بپا ئاینە
ڤێنەی شەهدێ ئشق هار سەر لچ خوەزگەم
سان رووسەم!
سان رووسەم! تا بێ‌دەنگا ماوم
قەفەس تەنگ‌ترا ماو
سان رووسەم تا بێدەنگا ماو،
قەفەس تەنگترا ماو
گڕەی واژەم بچیە "سانتیاگو"
بچووە سەر چیای تاسەی هەزار چۊ تو
بوورێ! بوورێ!
خەڵاتت بگر
قۊتەم دا


✍ مامۆستا سەێ قاسم ئەرژەنگ (تاتە شەماڵ)
📕 گوڵ ئەنار! ئێ شێعرە ئنسانم

@Eisfaa     ‎