EFFECT.UZ|LIVE

Эрон пойтахти Теҳрон шаҳрида яна бир портлаш содир бўлди. Бу ҳақда Tasnim ахборот агентлиги хабар берди.

Ҳозирча воқеа тафсилотлари келтирилмаган.

Исроил қирувчилари Теҳрондаги ерости бункерига 100 та бомба ташлади — ОАВ

Оммавий ахборот воситалари хабар қилишича, Исроил қирувчи самолётлари Теҳронда жойлашган Эрон раҳбариятига тегишли ерости бункерига 100 та бомба ташлаган.

Маълум қилинишича, тахминан 50 та самолёт Али Хоманаий учун уруш вақтида ҳарбий операцияларни бошқариш мақсадида қурилган ҳукумат мажмуаси остидаги объектга зарба берган.

Эрон Баҳрайндаги осмонўпар бинога зарба берганини маълум қилди

Эрон Ислом инқилоби муҳофизлари корпуси (КСИР) маълум қилишича, Баҳрайнда жойлашган осмонўпар бинога зарба берилган.

КСИР иддаосига кўра, зарба берилган меҳмонхона биносида АҚШ Денгиз кучларининг Бешинчи флоти базаси офицерлари бўлган.

Давлат меҳнат инспекцияси Telegram канали "delete" номига ўзгартирилди.

Бу техник хатоми ёки қасддан ўзгартирилдими?

АҚШ ва Исроилнинг Эронга ҳужуми фотолавҳаларда

Шероз шаҳридаги Зибошаҳр аҳоли пунктида жойлашган турар жой биноларига берилган зарба оқибатлари акс этган кадрлар тарқалди.

Маълумотларга кўра, ҳужум натижасида фуқаролар яшайдиган уйлар зарар кўрган.

Ўзбекистонда об-ҳаво кескин совуб кетиши мумкин

Жорий йилнинг 9-12 март кунлари Ўзбекистон ҳудудига совуқ ва нам ҳаво массалари кириб келади.

“Узгидромет”га кўра, 9-11 мартда Ўзбекистон бўйича вақти-вақти билан ёғингарчилик баъзи жойларда қорга айланади. Республиканинг тоғ олди ва тоғли ҳудудларида ёғингарчилик (ёмғир, қор), баъзи жойларда кучли бўлади.

Республика бўйича баъзи жойларда шамол тезлиги 15-20 м/с гача кучаяди, айрим жойларда баъзида 22-25 м/с гача кучайиши мумкин.

10-12 март кунлари ҳаво ҳарорати: республика шимолида кечалари 7-10 даража совуққача, кундуз кунлари 0-3 даража совуққача, қолган ҳудудларда 11-12 мартда: кечалари 0-3 даража совуққача, кундуз кунлари 2-5 даража илиққача пасаяди.

АҚШ ва Исроил томонидан Эрон жанубидаги Шероз шаҳри атрофида амалга оширилган ҳужум оқибатида камида 20 киши ҳалок бўлди, 30 нафар эса жароҳат олди. Бу ҳақда Fars агентлиги хабар берди.

Эрон Кувайтдаги АҚШ ҳарбий авиабазасига зарба берди

Эрон Кувайтда жойлашган АҚШнинг “Али ал-Салем” ҳарбий авиабазасига зарба берди.

Хабарларга кўра, зарбалар тушган ҳудудларда йирик ёнғинлар келиб чиққан. Ёнғинлар ёқилғи омборлари, авиация ангарлари ҳамда ҳарбий омборлар атрофида кузатилган.

Кувайт мудофаа вазирлиги маълумотига кўра, ҳодиса оқибатида 67 нафар ҳарбий жароҳат олган.