#Yigʻilish #Xavfsiz_talaba

“Xavfsiz talaba” platformasini joriy etish va talabalar xavfsizligini ta’minlash masalalari muhokama qilindi

Bugun, 12-oktyabr kuni Ta’lim va ilm-fan vazirligida O‘zbekiston Respublikasi Prezidentining 2026-yil 11-sentyabr kuni Olmazor tumanidagi “Yoshlik” talabalar shaharchasida “Vaziyatlar markazi” faoliyati bilan tanishish chog‘ida bergan topshiriqlari ijrosiga bag‘ishlangan yig‘ilish bo‘lib o‘tdi.

Bosh prokuratura tashabbusi bilan tashkil etilgan yig‘ilishda Ichki ishlar vazirligi hamda Ta’lim va ilm-fan vazirligining mas’ul xodimlari, shuningdek, Toshkent shahridagi oliy ta’lim tashkilotlari rahbarlari ishtirok etdi.

Yig‘ilishda oliy ta’lim tashkilotlari talabalar turar joylariga oid ma’lumotlarni “EduBilling” axborot tizimida shakllantirish, o‘quv binolari va talabalar turar joylarida o‘rnatilgan videokuzatuv kameralari hamda kirishni nazorat qilish va boshqarish (SKUD) tizimlarini “Vaziyatlar markazi”ga integratsiya qilish bo‘yicha amalga oshirilayotgan ishlar va mavjud holat atroflicha muhokama qilindi.

Batafsil: https://gov.uz/oz/edu/news/view/231736

👉 На руском
👉 In English

Facebook | Instagram | YouTube | Telegram