Ilk bor “MinGeoMod – 2026” xalqaro olimpiadasi o‘tkazildi

Toshkent viloyati Bo‘stonliq tumanidagi “Geolog” oromgohida kon-geologiya sohasida modellashtirish bo‘yicha “MinGeoMod – 2026” Toshkent xalqaro olimpiadasi bo‘lib o‘tdi.

Markaziy Osiyoda ilk bor tashkil etilgani bilan ahamiyatli musobaqaga Geologiya fanlari universiteti mezbonlik qildi.

Olimpiadada O‘zbekiston, Rossiya, Qozog‘iston va Tojikistonning yetakchi oliy ta’lim tashkilotlari jamoalari ishtirok etib, kon-geologiya ma’lumotlarini modellashtirish, geologik, karkasli va blokli modellar yaratish hamda foydali qazilmalar zaxirasini baholash bo‘yicha bilim va amaliy ko‘nikmalarini namoyish etdilar.

Ikki kunlik bahslar yakunida sovrinli o‘rinlar taqsimoti quyidagi ko‘rinishni hosil qildi:
🥇 1-o‘rin — MISIS Fan va texnologiyalar universitetining Olmaliq filiali;
🥈 2-o‘rin — Nazarbayev universiteti (Qozog‘iston);
🥉 3-o‘rin — Geologiya fanlari universiteti.

“MinGeoMod – 2026” nafaqat yosh mutaxassislarning bilim va mahoratini sinovdan o‘tkazgan xalqaro maydon, balki O‘zbekistonni kon-geologiya sohasidagi zamonaviy modellashtirish yo‘nalishida xalqaro hamkorlik va professional muloqot markazlaridan biriga aylantirish yo‘lidagi muhim qadam bo‘ldi.

Batafsil...

#mingeo #GFU #Micromine

👉На руском
👉In English

Facebook | Instagram | YouTube | Telegram