“Korxona — oliygoh — maqsadli kadr”: talabalar uchun yangi imkoniyatlar

Kelasi yildan 75 ta oliy taʼlim tashkilotida, 2028-yildan esa barcha oliygohlarda “korxona — oliygoh — maqsadli kadr” tizimi yoʻlga qoʻyiladi. Ish beruvchi oʻz ehtiyojiga mos kadrga buyurtma beradi, abituriyent testsiz, suhbat asosida qabul qilinadi.

Ishga qabul qilingan talabaning maoshining yarmi davlat tomonidan qoplanadi. Korxona biriktirgan ustozga oliygoh pedagogining maoshiga teng miqdorda qoʻshimcha haq toʻlanadi.

Korxona oliygoh yoki talaba yashaydigan joydan uzoq boʻlsa, ijara xarajatlari ham qoplanadi.

Oʻqish va ishda yaxshi natija koʻrsatgan talaba ikkinchi kursdan davlat grantiga oʻtishi mumkin. Bu tizim talabaga bir vaqtning oʻzida tahsil olish, ishlash va mutaxassislik boʻyicha amaliy tajriba orttirish imkonini beradi.

Facebook | Instagram | YouTube | Telegram