🪑
📚دده‌قورقود داستانلاری
✍️فاروق سومر
کؤچورن: همت شهبازی

تورك تاريخچیسی پروفسور #فاروق‌سومر نئچه ديله او جمله‌دن، فارس، عرب ديل‌‌لرينه تانيش اولدوغو اوچون توركيه‌ده اولان قديم ال‌يازما كيتابلاريني‌ دريندن اوخويوب و بونلارين اساسيندا اؤز تدقيقاتلاريني تاريخي قايناقلارلا ثبوتا يئتيرير. بلكه‌ ده بو قايناقلارين چوخوسو هله‌ ده چاپ ائديلمه‌ييبدیر. بو تدقيقاتچي‌نين بير نئچه اثري او جمله‌دن: «قاراقويونلوها»، (چئويره‌ني دوقتور وهاب ولي) و «تاريخ امپراتوري عثماني» فارس ديلينه ‌ده چئوريلميشدير…

1965‌ده چاپ اولونان #اوغوزلار كيتابي ايسه اونون «دوقتورلوق» تئزي‌دير.

فاروق سومر 1924.جو ايلده کونيانين بوزقير قصبه‌سينده دوغولور. 1942ده استانبول بیلیم‌یوردونون تاريخ فاکولته‌سينه داخيل اولاراق او دؤورون آدلیم پروفسورلاريندان (م.ف. کؤپرولو، م.اون. يينانچ و س.) درس آلير. 1948.جي ايلده مأذون اولور. آنکارا بیلیم‌یوردونون دوکتوراسینی اوخويور. بير مدت استانبولداکي سليمانيه کيتابخاناسيندا، لندن بیلیم یوردوندا، داها سونرا آنکارا بیلیم‌یوردوندا چاليشير. فاروق سومر عرب، فارس، انگيليس و فرانسيز ديللريني مکمل بيليرميش. او، دونيادا تانينمیش بیر تورکولوق کیمی مختليف سيمپوزيوملارا، کونفرانسلارا قاتيليبدیر. علمي تدقيقاتلارا داها چوخ واخت آييرماق اوچون 58 ياشيندا تقاعوده چيخاراق استانبولا کؤچور. اسکي متن‌لري ذره‌بين‌له اوخودوغوندان، فاروق سومرین ساغ گؤزو تدريجا ضعيفله‌يير و سونرادان تامام توتولور.

فاروق سومر 1995.جي ايلده استانبولدا قاراجيير خرچنگيندن (سرطان) وفات ائتمیش. او، 22 کيتابین مؤلفی‌دیر.

آدلیم تاريخچي‌نين شاه اثري #اوغوزلار کیتابی‌دير. بو اثر تورکيه‌ده جزئي دوزه‌ليشلرله 5 دفعه تکرار نشر اولونوب.
بورادا بو كيتابين سون بؤلومونو يعني دده‌قورقود كيتابي اساسيندا يازيلان #اوغوزلارين‌داستانلاري بؤلومونو كؤچورموشوك. كيتاب 1992ده "راميز عسگر" طرفيندن آذربايجان توركجه‌‌سينه كؤچوروله‌رك باکیدا ياييملانيبدير. بيز ده ائله بو نشري اساس توتاراق کیریل الیفباسیندان عرب اليفباسينا كؤچورمك قرارينا گلديك.

بو كؤچورمه‌‌‌لر ایلک دؤنه 1382.جي ايلده خییوودا چاپ اولان #وراوي قزئتينده چاپ اولموشدور.

همت شهبازي
موغان – 1392

https://telegram.me/dusharge1
🐫🐫