🪑
پست‌مدرنیزمین دورومو
(مقاله‌لر توپلوسو)
اویغونلاشدیران: همت شهبازی
تبریز، آناس(اختر) یاییم‌ائوی، ۱۴۰۱
«پست‌مدرنیزمین دورومو» کیتابی، تورک یازار و یا تورک چئویرمن‌لرین غرب یازارلاریندان چئویردیک‌لری مقاله‌لردن عبارتدیر. پست‌مدرنیزمین اساس قاوراملارینی (مفاهیم) چؤزمک اوچون، دونیادا مباحثه‌یه چئوریلن اؤنملی مقاله‌لر واردیر. بو کیتابدا بو مقاله‌لرین بعضی‌لری آنا دیلیمیزه چئوریلمیشدیر:
ایلک مقاله «نظری باخیمدان مدرنیزم و پست‌مدرنیزمه باخماق» باشلیقلی مقاله، مدرنیزمله پست‌مدرنیزمی مقایسه‌لی اولاراق صنعت و ادبیات ساحه‌سینده، ایکینجی مقاله‌ده دئیوید هاروئی، پست‌مدرنیزمین دورومونو «اوست‌آنلاتی = کلان روایت / توتال ایفاده»لاری سیندیرماقدا، چوخچولوق (تکثرگرایی) و… باخیمدان آچیقلاییر.
اوچونجو مقاله بو ساحه‌ده دونیادا ان چوخ مباحثه دوغوران فرانسوا لیوتارین «پست‌مدرن نه‌دیر؟» سورغوسونا جاواب اولاراق اونو بیر «دوروم» اولدوغونو آراشدیرماسی‌دیر.
کئلنئر داگلاس «اجتماعی نظریه اولاراق پست‌مدرنیزم» و گئنجای شایلان «پست‌مدرن سؤیلم اوزرینه بعضی دوشونجه‌لر» باشلیقلی مقاله‌لرده پست‌مدرنیزمه سوسیولوژی بوجاقدان یاناشیبلار.
فرهاد آمور «پست‌مدرنیزم» مقاله‌سینده مدرنیزمله پست‌مدرنیزمین قارشیلیقلی یؤنلندیریجی سؤزلویونو وئریر.
اومبئرتو ائکو «پست‌مدرنیزم، استهزا، اَیلنجه‌وی‌لیک» مقاله‌سینده پست‌مدرنیزمین اویون اولدوغونو؛ و فوندا قیزیل‌اَر اؤز مقاله‌سینده بونون داوامیندا اونو آیرونیک-پارودیک یؤندن آچیقلاییر.
سونونجو مقاله ایسه پست‌مدرنیزمی، فلسفه ساحه‌سینده آراشدیریر.
۱۳۸۹-۱۳۹۰ آراسیندا اوچ سیرا کیتابلاریم اولدو:
۱. مدرنیته و مدرنلیک
۲. پست‌مدرنیزمین دورومو
۳. پست‌مدرنیزمین سؤزلویو
پست‌مدرنیزمین دورومو کیتابی، اویغونلاشدیرانین مدرنیته، مدرنیزم، پست‌مدرنیته و پست‌مدرنیزم حاققیندا سئری اولاراق اوچ کیتابدان ایکینجیسی‌دیر. بیرینجی کیتاب ۱۳۹۲ ده «مدرنیته و مدرنلیک» آدیندا چاپ اولدو. اوچونجوسو ایسه «پست‌مدرنیزمین سؤزلویو» کیتابی‌دیر. بو سون کیتابا ارشاد طرفیندن وئریلن اساسلی دییشیک‌لیک‌لره گؤره یازیچی داها اونون چاپ اولماسیندان واز کئچیبدیر.
بو سیرا کیتابلارین هامیسی ۱۳۸۹-۱۳۹۰ آراسی ایللرینده ایشله‌نیله‌رک بیرلیکده مجوز اوچون وئریلمیشدیر.
پست‌مدرنیزمین دورومو کیتابی ایسه، اوچ پرئزیدئنت (احمدی‌نژاد- روحانی- رئیسی) حیاتینی یاشادیقدان سونرا نهایت چاپ اجازه‌سی آلاراق ۱۴۰۲ده ایشیق اوزو گؤردو.
📚#کیتابلاریم
https://t.me/dusharge1
🦜
Post #74
421
dusharge1 | همت شهبازی پست‌مدرنیزمین دورومو (مقاله‌لر توپلوسو) اویغونلاشدیران: همت شهبازی تبریز، آناس(اختر) یاییم‌ائوی، ۱۴۰۱ 📚 #کیتابلاریم @dusharge1 🐫🐫
- 👍 6
- 👏 1