#فدریکو_گارسیا_لورکا
#آخشام‌اوستوساعات‌بئشده کیتابی، تکدرخت یاییم‌ائوی،1391
اویغونلاشدیران:#همت‌شهبازی
⬛بوینوز یاراسی و اؤلوم
آخشام‌اوستو ساعات بئشده
ساعات تام آخشام‌اوستو بئش ایدی.
آغ چارشاو گتیردی بیر اوشاق.
آخشام‌اوستو ساعات بئشده.
حاضرلانمیش بیر سبد اَهَک
آخشام‌اوستو ساعات بئشده.
قالانی هامیسی اؤلوم و یالنیز اؤلوم ایدی
آخشام‌اوستو ساعات بئشده.
...
آخشام‌اوستو ساعات بئشده.
ساعات تام آخشام‌اوستو بئشده.
تَکرلی بیر تابوت‌دور یاتاغی سانکی
آخشام‌اوستو ساعات بئشده.
سوموک‌لر، زورنالار سسله‌نیر قولاغیندا
آخشام‌اوستو ساعات بئشده.
بؤیویوردو اؤکوز، آلنیندا
آخشام‌اوستو ساعات بئشده.
اوتاغی بیر گؤی قورشاغی‌دیر اؤلوم آیاغی
آخشام‌اوستو ساعات بئشده.
یاخینا گلمه‌ده‌دیر ایندی قانقاریا
آخشام‌اوستو ساعات بئشده.
سوسن شئیپورلاری یاشیل قاسیقلاریندا
آخشام‌اوستو ساعات بئشده.
گونش کیمی پاریلدادی یارالار،
آخشام‌اوستو ساعات بئشده.
و شيشه‌لری قیرماقدایدی کوتله‌لر
آخشام‌اوستو ساعات بئشده.
آخشام‌اوستو ساعات بئشده.
آخ،او قورخونج بئشده آخشام‌اوستو!
بئشی گؤستریردی بوتون ساعات‌لار!
بئش ایدی ساعات آخشامین کؤلگه‌سینده!
@dusharge1
Post #61
294
dusharge1 | همت شهبازی #فدریکو_گارسیا_لورکا #آخشام‌اوستوساعات‌بئشده اویغونلاشدیران: #همت‌شهبازی تهران تکدرخت 1391 فایلدا لورکانین مشهور شعری‌نین دیکله‌مه‌سینی #همت‌شهبازی‌نین سسی ایله «سینیق رادیو»دان دینله‌یه بیلرسینیز. @dusharge1
- 👍 4
- 🔥 1