#افلاطون ایله #ارسطو، فلسفه‌نین ایکی فرقلی دۆشونجه عنعنه‌لرینی یارادؽرلار. افلاطون فلسفه‌سی ایدئیالار دۆنیاسینی عکس ائدهرک آیاغؽنی یئردن اۆزور و دوْغااوستو (مئتافیزیک) ایدئیانؽ منیمسه‌ییر. او، #ایدئیالارعالمینی (عالم مثل) یاشاماقدا اوْلدوغوموز دۆنیادان مستقل بیر دۆنیا سانؽر. ارسطو ایسه فلسفه‌نی پراکتیک‌لشدیره‌رک مادی دۆنیادا انسانلارؽن گۆنده‌لیک حیاتؽندا اوْلان سوْرغولاری جاوابلاندؽرماغا مئیل‌لندیریر. ارسطویا گؤره مادی حیات و دۆنیادا اوْلان هر بیر شئی اؤز طبیعتینی، خاراکتئرینی عکس ائدیر و بو واسیطه ایله اوْنو آنلاماغا امکان یارادؽر.
بۇ ایکی فلسفه عنعنه‌سینی #آتئن‌مکتبی تابلوْسوندا عکس ائتدیرن ایتالیا رسامؽ رافائل سانتی، افلاطونون بارماغؽنی یۇخاری، ارسطونون بارماغؽنی ایسه یئره طرف اشاره ائدهرک دقیق‌لیکله گؤستریر. یۇخارییا اشاره اوْلونان بارماق، افلاطونون "ایدئیالار عالمی"نی، یئره اشاره اوْلونان بارماغ ایسه ارسطو فلسفه‌سینده حقیقتی، مادی و گۆنده‌لیک حیاتدا آختارماسؽنی سیمبوْلیزه ائدیر.
.
#آتئن‌مکتبی تابلوْسو
رسام:#رافائل‌سانتی
✍️همت شهبازی
🪴 #فلسفه
🪑🪑
https://telegram.me/dusharge1
☘️
Post #57
286
dusharge1 | همت شهبازی 🦜 هانا آرئنت-ین دئوریم فلسفه‌سی آلمان فیلوسوفو #هانا‌آرئنت "دئوریم" (انقلاب) اثرینده ۲۰۰ ایلین ایچینده اورتایا گلن دئوریملرین هئچ بیریسینی دئوریم حساب ائتمیر. او، یالنیز آمئریکا دئوریمینی، دئوریم حساب ائدهرک یازیرکی، دونیانین بوتون دئوریملری فرانسا دئوریمیندن…
- 👍 4
- ❤ 2
- 👏 2