شعر: حسن حسین کورکمازگیل
🌿 ایناندیم
یاشایانلار بیر گون اؤلر البتده
آغاجلارلا، بالیقلارلا
قوشلارلا من ایناندیم
آغلایانلار بیر گون گولر البتده
اویانماقلا، آنلاماقلا
تانیماقلا من ایناندیم
قیسا چؤپ اوزون چؤپدن حاققینی آلار البتده
دیرنمکله، قورتولماقلا
باریشلا من ایناندیم
ائله بیر یئرده‌یم کی
نه قرنفیل، نه قورباغا
ائله بیر یئرده‌یم کی
بیر یانیم ماوی یوسون
دالغالانیر سولاردا
بیر یانیم اوشاق پارکی چیغیر-باغیرلیق
ائله بیر یئرده‌یم کی
آنام گئدیر آللاه آللاه
دؤلوم دوشموش کوچه‌یه
دوستوم دوستوم گؤزل دوستوم
بو نه بتر جیزگیدیر بو
بو نه چیلدیران تارازلیق
یارپاق تؤکر بیر یانیمیز
بیر یانیمیز باهار باخچا
.
اویغونلاشدیردی: همت شهبازی
#شعر
☘️
https://telegram.me/dusharge1
Post #45
282