📚شکسپیر || "هاملئت" تراژئدیسی

▪︎آه، انسان بدنی، نئجه محکم‌سن!
ارییب دؤنمورسن گؤز یاشلارینا.
ائی قادیر یارادان، انتحاری کاش
یاساق ائتمه‌ییدین بیز انسانلارا.
ایلاهی، ایلاهی! منه بو دونیا
نئجه ده معناسیز، میسکین گؤرونور.
هر یاندا رذالت، هر یاندا دهشت!
باخیم‌سیز باغچانی کول-کوس باسان‌ تک،

▪︎اجلاف‌لیق، آلچاق‌لیق توتوب دونیانی.
بو ایش نه تئز اولدو، نه جور باش وئردی!
ایکی آی‌دیر اؤلوب، ایکی آی اولماز.
ائله گؤزل کرال، نجیب بیر انسان...
او، گونش آللاهی «آپولون» ایدی،
بو، ایچکی تانریسی یاراماز «ساتیر».
او منیم آنامی ائله سئویردی،
قویموردو اوزونه مئه ده توخونسون.
ائی یئرلر، ائی گؤیلر، یادا سالیم‌می؟

#هملت: کؤچورن #رحیم‌خیاوی، سونا یاییم‌ائوی
.
☘️ #آلینتی
https://t.me/dusharge1