در هوس خیال او همچو خیال گشته‌ام
وز سر رشک نام او نام رخ قمر برم"
«مولوی»
بیر ایرماق آیریلیر گؤیون ماوی‌لیییندن
سنلی‌سیزلیکلر اوتاغیما
اوتاغیمدان گؤم گؤی بیر دون
بیچیلیر قامتینه
خیالین ایله‌شیر بوتون سؤزجوکلر یئرینه
هارالاردا بوشالاجاغام سنی؟
هانسی شئعریمده سن‌سیز دوغولاجام؟
گلمیشدین
تارلا ملکی بیچیمینده
ساری سونبوللویوموزون یاشیللیق موشتولوغو اللرینده
قوش قووانلارین گؤزونو یوموب
بیر تارلا اسیردیم سنی
بوز قیرلارین قیر وئرن قاراگؤزلوسو
آنیلار بوزقیری سریلیر ایچیمده
ایشیق تئللری اوچورتمالاردان آسیلیر
سنی داریخیرام
و خیالین یاریمچیق قالیر.
http://t.me/qaranfil21
Post #862
299