Bloomberg HQ

Kecha Javohir Bloomberg Bosh ofisini aylantirib chiqdilar.

Yurtdoshlarimiz bunday katta korxonalarga ishga kirishlari quvonarli xolat. Kelganlariga 1 hafta boʻlgan boʻlsa ham tashrif qilish uchun chaqirdilar. Ofisni barcha 8 qavatini aylanib chiqdik.

* Bino arxitektura boʻyicha juda koʻp mukofotlar sovrindori.
* Bloomberg binosi Open Space shaklida ishlashga moslab qurilgan. Xonalar yoʻq, hamma bitta katta xonada ishlaydi.
* 5-6 ta video va audio studiolarini koʻrdik. Kichik studiodan boshlab, bitta sahna uchun 30-40 ta kamera va chiroq ishlatiladigan studiolargacha.
* Terminal (MDI) asosida ishlab chiqilgan ish joylari har bir xodim istalgan qavat va joydan ishlashi mumkin qilingan. Login/parol terasiz va ish joyingiz boshqa stolga oʻtib qoladi. Hatto IP telefonia ham.
* Qavatlar ranglar bilan ajratilgan. Kutibxona, dam olish xonasi va ibodat xona kabi maxsus joylari bor.

Geografiya fanini yaxshilab oʻrganing, binoda yurganingizda Shimoliy lift, Gʻarbiy kutubxona, Janubiy tomondagi stoldaman, - kabi soʻzlarni eshitishingiz mumkin.

Bino London markazida joylashgani uchun derazadan London City'ning tarixiy binolari koʻrinib turadi. Doim turistlar kelib, tomosha qiladigan manzara oldida ishlab oʻtirasiz.

6-qavat. Hamma shu yerni yaxshi koʻrar ekan. Hatto lift birdaniga 6-qavatga olib chiqar ekan. Boshqa qavatga chiqish uchun liftga alohida aytishingiz kerak. 🍫

Bu qavatda taomlanish boʻlimi joylashgan boʻlib, ixriyoriy vaqt ochiq: choy, kofe, shirikliklar, meva kabi narsalarni olishingiz mumkin. Ertalab ishga kelib, nonushta qilishga rosa zoʻr joy ekan.
Oʻzbekmiz-da, mehmon kelsa avval taom qoʻyamiz. Jaa biza bop joy ekan.

Bino markazidagi zinapoya barcha qavatlarga piyoda chiqish uchun moslangan. Eng muhim jihati barcha boʻlim xodimlari shu yerdan yurib, bir-biri bilan tanishishi uchun qilingan ekan.
Qizziq-a, bitta domda turib, qoʻshningiz kim ekanini bilmaysiz. Huddi shunday hajmdagi katta ofisda esa barcha qavat odamlarini tanib olish mumkin. (Bu haqida alohida yozsam kerak.)

Corporate culture - korxona madaniyati juda ajoyib tashkil etilgan. Buni oʻrganib, Oʻzbekistonda ham tadbiq qilishimiz kerak jihatlari bor.

Hulosa qilsam, sayyohat juda unumli bo`ldi. Javohirga alohida rahmat!

Berlindan kelib Londonni aylantirgan IT mutaxassisi.

@DrAlgorithm