Writerside

Toolboxni ochsam Writeside qoʻshilib qolgan ekan. Ishlatib koʻrdim. Hujjat yozish uchun dastur ishlab chiqishibdi.

MD formatga asoslangan hujjat yozish dasturi haqida oʻylab yurgan edim. Man kutgan narsani qilishibdi. MD va XML ni bir vaqtda yasay olarkan. Webga oʻgirib ham bera olar ekan.

Buni IntelliJni oʻzida qilsa ham boʻladi. Lekin huddi DataGripga oʻxshab alohida boʻlsa, koʻp narsa osonlashadi. Oʻzim ham ancha vaqtgacha Databaseʼni IntelliJʼda ishlatganman. DataGripʼga ancha keyin oʻtganman.

Hullas, gitga ulasa boʻladi, hujjat boʻlimlari alohida filelarda saqlanadi, htmlga oʻgirib bera oladi va FTP orqali chop etsa boʻladi.

Muammo, mobile shaklida yoʻq-de. Mobile uchun yechim qidirvomman. Keep ishlataman, undan yaxshisini hali topmadim. Shunda ham izlanishdaman.

Agar siz ham ishlatib koʻrgan boʻlsangiz, fikrlaringiz bilan boʻlishing. Rahmat

@DrAlgorithm