ShinyHunters FBI’ga hujum qilganini da’vo qilmoqda 🌟

ShinyHunters xakerlar guruhi FBI tizimlariga kirib, tashkilot xodimlari va ishga topshirgan nomzodlarga tegishli ma’lumotlarni qo‘lga kiritganini aytmoqda. FBI esa hodisa bo‘yicha tekshiruv olib bormoqda.

Xakerlar qo‘lida hozirgi va sobiq xodimlar, shuningdek, FBI’da ishlash uchun ariza berganlar haqidagi ma’lumotlar borligini da’vo qilgan. Ular orasida ism, manzil, telefon raqami va oila a’zolari haqidagi ma’lumotlar ham borligi aytilmoqda.

Jurnalistlar ko‘rgan taxminan 5 000 ta yozuvdan iborat namunadagi ma’lumotlarning bir qismini mustaqil tekshirgan va ayrimlari haqiqiy ekanini tasdiqlagan.

Bundan tashqari, guruh FBI’ning ishga qabul qilish saytini ham buzib, u yerda AQSh huquq-tartibot idoralari odatda jinoyatchilar saytlarini bloklagandan keyin joylashtiradigan mazmundagi xabarni qoldirgan.

🖇️ Hozircha FBI o‘g‘irlangan ma’lumotlarning miqyosi yoki hujumning to‘liq tafsilotlarini rasman tasdiqlamagan.

@digitalqala