🇨🇳 Хитой кибер жосуслик ҳаракатлари фонида 🇰🇿 Қозоғистонда йирик маълумотлар сизиб чиқиши бўйича тергов олиб борилмоқда

Ҳозирда Қозоғистон расмийлари Хитой ҳукумати томонидан уюштирилгани тахмин қилинаётган кенг кўламли кибержосуслик фаолияти фош қилинганидан сўнг, шахсий маълумотларнинг жиддий бузилишини тергов қилмоқда. Рақамли ривожланиш вазирлиги Миллий хавфсизлик қўмитаси билан ҳамкорликда мураккаб кибероперация тафсилотлари акс эттирилган ва интернетда пайдо бўлган ҳужжатларни текширмоқда. Бу операциялар қозоғистонликларнинг электрон почталари, телефон рақамларига рухсатсиз кириш имконини берган, ҳаттоки қозоғистонликларнинг ижтимоий тармоқларидаги хабар ва постлари билан манипуляция қилишга имкон бергани айтилади.

Очиқланган ҳужжатлар Қозоғистоннинг бир қанча алоқа операторларининг махфий маълумотлари бузилганини таъкидлаб, мамлакат ичидаги муҳим ИТ инфратузилмаси хавфсизлиги ҳақида хавотир уйғотмоқда. Қозоғистон компьютер ҳодисаларига қарши кураш хизмати (CERT) Хитой хакерлик гуруҳи икки йилдан ортиқ вақт давомида мамлакат телекоммуникация инфратузилмаси, қўнғироқлар логлари, биллинг маълумотлари ва бошқа махфий маълумотларга тўсиқсиз кирганини маълум қилди. Ушбу қоидабузарлик бошқа муҳим тармоқларга, жумладан, Мудофаа вазирлиги ва Air Astana авиакомпаниясига ҳам тааллуқли бўлиб ва бу жосуслик ҳаракатларининг нақадар кенг ва жиддийлигини таъкидлайди.

Ушбу ҳодисаларга жавобан Қозоғистондаги шахсий маълумотларни ҳимоя қилиш ва ахборот хавфсизлиги қонунларига риоя қилишга эътибор қаратган ҳолда зарар кўрган ташкилотларни ҳар томонлама чуқур текшириш режалаштирилган. Текширув давом этар экан, вазирлик аҳолига уларнинг онлайн, рақамли хавфсизлигини кучайтириш бўйича кўрсатмалар бермоқда. Буларга мураккаб пароллардан фойдаланиш, дастурий таъминотни мунтазам янгилаш, номаълум хабарлар ёки ҳаволалар билан эҳтиёткор муносабатда бўлиш, антивирус дастурларидан фойдаланиш ва бошқа чоралар киради.

Вазиятни янада мураккаблаштирадиган омиллардан бири - Хитой Жамоат хавфсизлиги вазирлигининг асосий пудратчилардан бири ҳисобланган iSoon (шунингдек, Anxun номи билан ҳам танилган) компаниясидан ўта махсфий маълумотларнинг сизиб чиқиши ҳодисасидир. GitHub'да эълон қилинган сизиб чиққан маълумотларда операция жараёнида қўлланиладиган жосуслик воситалари ва усуллари, жумладан, ижтимоий тармоқлар, Wi-Fi тармоқлари ва турли операцион тизимлар ичигача кириб бориш ва мониторинг қилиш учун мўлжалланган дастурий таъминот ва қурилмалар ҳақида кенг маълумот беради. Ушбу очиқланишлар нафақат жосусликнинг техник жиҳатларини, балки нишонга олинган Қозоғистоннинг тузилмалари ва бузилган маълумотларнинг даражасини ҳам муҳимлилигини кўрсатиб беради.

Мутахассислар Қозоғистоннинг киберхавфсизлик бўйича ёндашувида жиддий ислоҳотлар ўтказишга чақириб, мустақил Киберхавфсизлик агентлигини ташкил этишни таклиф қилмоқда. Ушбу орган давлат хавфсизлигини идоравий манфаатлардан устун қўйиш учун мавжуд ҳукумат тузилмаларидан мустақил равишда мамлакатнинг бундай кибертаҳдидларга қарши ҳимоясини назорат қилади.

Қозоғистон ушбу қоидабузарлик оқибатлари билан курашар экан, асосий эътибор ўзининг кибермудофаасини кучайтиришга ва ўз фуқаролари маълумотларининг махфийлиги ва хавфсизлигини хорижий жосуслик ҳаракатларига қарши таъминлашга қаратилмоқда.

‼️ P.S. Ўзимиздаги бўлаётган ҳодисаларга нисбатан бўлаётган совуққон муносабат ҳақида кейинроқ ёзамиз ...

📩 Биз билан боғланиш учун: info@cyber-bro.uz

Бизнинг ижтимоий тармоқлардаги саҳифаларимиз
cyber-bro.uz | Telegram |