💥💥💥 Ўзбекистондаги банкларда ахборот хавфсизлиги қоидаларини бузганлик учун жарималар жорий этилмоқда

Ўзбекистон Республикаси Марказий банки бошқарувининг 2023 йил 22 ноябрь йилда қабул қилинган қарорига асосан "Банклар ва нобанк кредит ташкилотларига нисбатан чоралар ва санкциялар қўллаш тартиби тўғрисидаги низом" тасдиқланган эди. Ушбу Низом Ўзбекистон Республикаси Адлия вазирлиги томонидан 2024 йил 23 январда рўйхатдан ўтказилди.

Ушбу низомнинг ўзига хос жиҳатларидан бири банк соҳасида Хавфсизлик ва ахборот муҳофазасини таъминлашга оид қонунчилик ҳужжатлари талабларининг бузилиши натижасида содир этиладиган ҳолатлар учун ҳам санкциялар киритиш назарда тутилган.

Ахборот хавфсизлиги талаблари жами 40 пунктдан иборат бўлиб, баъзи пунктларни келтириб ўтамиз:

✔️ Ахборот хавфсизлигини таъминлашда тизимда фойдаланиладиган ахборотни муҳофаза қилишнинг дастурий-техник воситалари тегишли лицензия ҳамда сертификатга эга эмаслиги - ҳар бир аппарат ва дастурий воситалар учун 15 миллион сўм, бироқ жами аниқланган ҳолатлар учун 50 миллион сўмдан кўп бўлмаган миқдорда жарима;

✔️ Банклар томонидан тармоқлараро экранларга (фаэрвол) қўйилган талаблар бажарилмаганлиги - ҳар бир ҳолат учун 6 миллион сўм, бироқ жами аниқланган ҳолатлар учун 50 миллион сўмдан кўп бўлмаган миқдорда жарима;

✔️ Банк томонидан интернет ва электрон почта орқали қабул қилинган маълумотлар зарар келтирмаслиги учун махсус ҳудудда текширилиши ташкил этилмаганда - 50 миллион сўм жарима;

✔️ Банкда ахборот тизимларидан маълумотларнинг рухсатсиз узатилиши ва тарқалишидан ҳимоялаш тизими (DLP) жорий этилмаганда - 50 миллион сўм жарима;

✔️ нобанк кредит ташкилотлари томонидан ахборот хавфсизлигини таъминлаш мақсадида масъул ходим тайинланмаганда - 15 миллион сўм жарима;

✔️ Банкда автоматлаштирилган банк тизимида тармоқ объектлари бўлган фойдаланувчилар, компьютерлар, серверлар ва бошқа техник воситаларни бошқариш Active Directory ёки бошқа муқобил) тизими жорий қилинмаганда - 30 миллион сўм жарима;

Ушбу низом 2024 йилнинг 26 апрель санасидан бошлаб кучга киради.

P.S. Низомда ҳали ахборот хавфсизлигига (киберхавфсизлик) таҳдид солиш мумкин бўлган кўпгина омиллар ҳисобга олинмаган. Начора, йўқдан кўра дастлабки қадамлар ташлангани ҳам катта «ютуқ».

Бизнинг ижтимоий тармоқлардаги саҳифаларимиз
cyber-bro.uz | Telegram |