#tezkor

“Doʻstlik” chegara bojxona postida deklaratsiyada koʻrsatilmagan, qiymati 1 mlrd. soʻmdan ortiq tovarlar aniqlandi

Andijon viloyati bojxona boshqarmasining “Doʻstlik” chegara bojxona posti xodimlari tomonidan yurtimizga kirib kelgan avtotransport vositalarining yuk kuzatuv hujjatlari hamda bojxonaga taqdim etilgan elektron deklaratsiyalari oʻrganilganida shubha paydo boʻldi.

Shundan soʻng, avtotransport vositalari belgilangan tartibda “qizil” yoʻlakka yoʻnaltirilib, bojxona koʻrigidan oʻtkazildi. Koʻrik davomida elektron deklaratsiyalar hamda yoʻl-yuk kuzatuv hujjatlarida koʻrsatilmagan, dastlabki qiymati 1 mlrd. 135 million soʻmni tashkil etuvchi 23 000 dona velosiped shinalari, 2200 dona elektro motorollerlar uchun qoʻrgʻoshinli akkumulyatorlar borligi aniqlandi.

Aniqlangan tovarlar vaqtincha saqlovga olinib, hozirda holat yuzasidan surishtiruv ishlari olib borilmoqda.